Փաստ ինֆո

Աշխարհահռչակ երգչուհի, դերասանուհի Ջենիֆեր Լոպեսը ևս միացել է Հայոց ցեղասպանության մասին պատմող հոլիվուդյան «Խոստումը» ֆիլմի գովազդային արշավին: Իր աջակցության մասին տեսագրությունը հրապարակվել է համացանում:

«Մենք պետք է հետևողական լինենք մարդու իրավունքների պաշտպանության գործում, օգնենք փախստականներին և երեխաներին: Իմ անունն է Ջենիֆեր Լոպես և ես խոստանում պահել խոստումը և երբեք չմոռանալ»,- «Արմենպրես»-ի հաղորդմամբ ասել է Ջենիֆեր Լոպեսը:

«Խոստումը» ֆիլմի նկարահանման ծախսերը հոգացել է ամերիկահայ գործարար, միլիարդատեր Քըրք Քըրքորյանը, ինչի մասին հայտնի է դարձել նրա մահվան օրը:

Ֆիլմի դերակատարներից Մայքլը հայ դեղագործ է, ով թողել է իր գյուղն ու գնացելԿոստանդնուպոլիս` ուսումնասիրելու բժշկություն: Քրիսը ամերիկացի ֆոտոլրագրող է և հարաբերությունների մեջ է տաղանդավոր Անայի հետ` Փարիզում սովորած հայ նկարչուհու: Անայի համար մրցակցություն է ծավալվում Մայքլի և Քրիսի միջև: Սիրային եռանկյունու պատմությունը զարգանում է Առաջին աշխարհամարտի և Հայոց ցեղասպանության սյուժետային գծերի զարգացմանը զուգահեռ:

Աղբյուր` Փաստինֆո