Փաստ ինֆո

Ադրբեջանը լայնամասշտաբ զորավարժություններ է սկսել սահմանի ամբողջ երկայնքով:

ԳԱԼԱ լրատվականը, զրուցելով Արցախի նախագահի մամուլի քարտուղար Դավիթ Բաբայանի հետ, փորձել է պարզել արդյո՞ք զորավարժությունները կարող են առիթ հանդիսանալ հակառակորդի համար սրելու իրավիճակը սահմանին և բախումներ հրահրելու: Ներկայացնում ենք հարցազրույցն ամբողջությամբ:

-Պարոն Բաբայան, սահմանագծում ակտիվության աճն արդյոք կարելի է պայմանավորել ադրբեջանական զորավարժություններով, ի՞նչ կարծիքի եք:

-Սովորաբար որևէ կոնկրետ պատճառ չի լինում: Պատճառը նույնն է և միակն է, որ Ադրբեջանն իր էությամբ ահաբեկիչ պետություն է, այդ իսկ պատճառով դիմում է նման քայլերի: Իհարկե, հիմա զորավարժություններ են ընթանում այնտեղ, և սա էլ որոշակի առիթ է հանդիսանում: Որպես առիթ, այո, ինչ-որ տեղ այդ զորավարժություններն են նաև նման առիթ տալիս, որ հակառակորդը դիմի նման հակակառուցողական քայլերի: Բայց ամեն պահի մեր զինված ուժերը պատրաստ են կասեցնել և չեզոքացնել:

-Պարոն Բաբայան, օրերս Ադրբեջանի նախագահ Իլհամ Ալիևը ստորագրել է «Ռազմական դրության մասին» 2017թվականի փետրվարին ընդունված օրենքը:

-Նշվում է, որ ռազմական դրություն կարող է հայտարարվել հանրապետութան ինչ-որմասի փաստացի օկուպացիայի, արտասահմանյան պետության կողմից Բաքվինպատերազմ հայտարարելու, Ադրբեջանի վրա հարձակման իրական սպառնալիքիառաջացման, երկրի որոշակի մաս շրջափակելու կամ շրջափակման մասինհայտարարելու դեպքերում: Ինչի՞ մասին է սա խոսում:

-Ինչո՞ւ է անհրաժեշտությունառաջացել Ադրբեջանում նման օրենք ընդունելու: Այն ավելի շատ քաղաքակա՞ն նպատակ ունի, թե՞, այնուամենայնիվ, Ադրբեջանը քայլեր է ձեռնարկում՝պատրաստվելով ռազմական գործողությունների:

-Նման քայլերն ինչ են նշանակում, այս ամենը ևս մեկ անգամ ցույց է տալիս, որ հակառակորդը շարունակում է իր ապակառուցողական քաղաքականությունը: Հակառակորդը դրանով փորձում է հոգեբանական ճնշում գործադրել մեզ վրա: Անկախ նման օրենքից էլ նրանք կարող են հայտարարել, որ իրենք ամենաժողովրդավարական պետությունն են, բայց միևնույն է՝ կարող են նույն քաղաքականությունը շարունակել:

Մյուս կողմից սա նաև հնարավորություն է տալիս ներքին ճնշումներ գործադրելու սեփական ժողովրդի վրա, որովհետև եթե այդպիսի օրենք են ընդունում, այսուհետ իրավական, «օրինավոր» ձևով ճնշում են գործադրում ժողովրդի վրա՝ սահմանափակելու մարդու, քաղաքացու իրավունքները, ազգային փոքրամասնությունների վրա ճնշում գործադրելու և այլնի համար: Ադրբեջանը բազմաթիվ ներքին հարցեր է փորձում լուծել, և նման պահվածքով Ալիևը փորձում է իր հանցավոր լեգիտիմությունն ուժի միջոցով ամրացնել: Սրանք նաև ուժի միջոցով իր սեփական իշխանությունը պահելուն միտված քայլեր են: Հատկապես հաշվի առնենք վերջին քայլերը, երբ փորձ է արվում ալիևյան կլանի միջոցով երկիրը, իշխանությունը սեփականաշնորհել: Հիշենք՝ ինչպես է կնոջը նշանակում փոխնախագահ, վաղը մյուս օրը որդուն է նշանակելու մի այլ պաշտոնի: Այսինքն, այս ամենը սրա վառ դրսևորումներն են:

-Օրերս Ալիևը ԵԱՀԿ Մինսկի խմբի համանախագահներին կոչ է արել ուժեղացնելՀայաստանի նկատմամբ ճնշումը՝ Լեռնային Ղարաբաղի հակամարտության խաղաղկարգավորման համար, պնդել է, թե Հայաստանը ձգտում է սառեցնելբանակցությունները, «բայց չի հասնի դրան»: Արդյոք այս հայտարարությունը չիբխում նախորդ՝ «Ռազմական դրության մասին» օրենքի ընդունմանտրամաբանությունից:

-Սրանով փորձում է իր խորամանկ դիվանագիտությամբ տեղյակ պահել միջազգային դիվանագիտությանն այսպիսի աննորմալ քայլերի մասին: Նման դիմումից հետո անհրաժեշտ է, որ միջազգային հանրությունը խստիվ արձագանքի: Որովհետև նրանք ամեն ինչ անում են, որ հակամարտությունը կարգավորվի խաղաղ ճանապարհով, իրավիճակը չապակայունանա: Եվ այս ամենից հետո Ալիևը ոչ միայն նման քայլ չի անում, այլ փաստորեն համանախագահներին և միջնորդներին դնում է շատ յուրահատուկ վատ վիճակի մեջ՝ նրանց շահարկելով և դիտարկելով իր խաղի ինչ-որ մի թիրախներ, որն անթույլատրելի է:

Հարցազրույցն ամբողջությամբ՝ սկզբնաղբյուր-կայքում

Հարցազրույցը՝ Քրիստինա Մկրտչյանի

Լուսանկարը՝ «Արցախպրես»-ի

Աղբյուր` Փաստինֆո