Փաստ ինֆո

Սերբիայում՝ իտալական իշխանությունների հարցմամբ ձերբակալվել էր Լաշա Ցխալտուբսկի և Լաշա Սումասշեդշի մականվամբ «օրենքով» գող Լաշա Նիժարաձեն: Նրա նկատմամբ հետախուզում էր հայտարարվել դեռևս 2014թ. այն բանից հետո, երբ Իտալիան սկսել է գրոհը առավելապես ծնունդով Վրաստանից «օրենքով» գողերի վրա: Այն ժամանակ Եվրոպոլը իրականացնում էր իր ծավալներով հսկայական հատուկ գործողություն Մերաբ Սուխումսկու կլանի դեմ: Եվրոպայում ձերբակալվել էր 13 «օրենքով» գող, ինչպես նաև հանցավոր աշխարհի ևս հինգ հեղինակություն:

Լաշա Նիժարաձեի հետ միասին հետախուզում էր հայտարարվել նաև «օրենքով» այլ գողերի հանդեպ, որոնց թվում էր նաև Ջեմալ Միքելաձեն (Ջեմո), ում արդեն հանձնել են Իտալիային: Բացի նրանից ցուցակում էին նաև Կոբա Ախվլեդիանին (Կոբա), Կախա Մաքալաթիան (Կախա), Կախաբեր Պարպելիան (Կախա Գալսկի), Ռովշան Ջանիևը (Ռովշան Լենքորանսկի): Այն ժամանակ դեռևս ողջ Ջանիևի հետախուզումը դադարեցվել էր՝ նրա փաստաբանները համոզել էին քննիչներին, որ նա ուղիղ առնչություն Մերաբ Ջանգվելաձեի խմբավորման գործունեությանը չի ունեցել:

Բոլոր գողական հեղինակությունները մեղադրվել էին միջազգային հանցավոր սինդիկատ ստեղծելու մեջ, որը եվրոպական երկրների տարածքում զբաղվում էր գողություններով, ռեկետով, փողերի լվացմամբ: Կլանի անդամները հանցագործություններ հաճախակի կատարում էին հրազենի օգտագործմամբ: Քննության ընթացքում կարաբինիերներին հաջողվել է հեռախոսային խոսակցություն արձանագրել, որից պարզվել է, որ Դեդ Հասանի սպանությունը կազմակերպել են Մերաբ Ջանգվելաձեի շրջապատի մարդիկ: Ռուսաստանյան ուժայինները տվյալ վարկաբեկող նյութով չեն հետաքրքրվել:

2014թ. ապրիլին միջազգային հանցավոր խմբավորման ակտիվ անդամների մեծամասնությունը հայտնվեցին ամբաստանյալի աթոռին: Սակայն այդ զանգվածային քրեական գործի ոչ բոլոր ֆիգուրանտներն են դեռևս կանգնել դատարանի առաջ: Մինչև այժմ հետախուզման մեջ են մի քանի խոշոր հեղինակություններ ու «օրենքով» գողեր: Այնինչ աստիճանաբար տեղի են ունենում ձերբակալություններ, ինչպես դա արդեն տեղի ունեցավ Ջեմոյի և նախօրեին Սերբիայում ձերբակալված Լաշա Նիժարաձեի հետ: Իտալացի ուժայինները համոզված են, որ մոտ ժամանակներս նրանց կողմից բացաահայտված կազմակերպված հանցավոր խմբի բոլոր մասնակիցները կկանգնեն դատարանի առաջ: Լաշա Նիժարաձեին սպառնում է 15 տարվա բանտարկություն:

Աղբյուր` Փաստինֆո