Փաստ ինֆո

Մեր երկրի բնակչության 5 տոկոսը կույր է: Անդրադառնալով ԱԺ ընտրությունների քվերակությանը այսօր ԱԺ ճեպազրույցների ժամանակ ասաց ՀԱԿ խմբակցության քարտուղար Արամ Մանուկյանը:

Մանուկյանը ԱԺ ընտրությունները համարում է «աննախադեպ», մասսայական պետական կազմակերպված հանցագործության ոճով, երբեք նմանատիպ ընտրություններ չեն եղել և սա իշխանության հաղթանակն էր սեփական ժողովրդի նկատմամբ՝ մեր երկրի ըմբոստ քաղաքացու, դեմ քվեարկած քաղաքացու ոչնչացումն էր, սեփական քաղաքացու ոչնչացումը անհետևանք չի մնա:

ՀԱԿ խմբակցության քարտուղարը նշեց, որ կատարված ուսումնասիրությունները ցույց են տվել, որ ամեն տեղամասում միջինը 5 տոկոսը օգնության կարիք են ունեցել՝ կույր են եղել, գյուղերում կույրերի քանակը ավելի շատ է եղել:

«Իսկ ամենալավը, ամենակայֆը՝ ներողություն բառիս համար, հոգեբուժարանում հանրապետականի օգտին քվեարկել են 100 տոկոսը, բոլոր հոգեկան հիվանդները 100 տոկոսով քվեարկել են իշխանությանը»,- ասաց Մանուկյանը հավելելով, որ սա իրենց ուսումնասիրությունների թվեր չեն այլ Եվրոպայի դիտորդական առաքելության ղեկավարի արձանագրած թվեր են:

ՀԱԿ խմբակցության քարտուղարը նաև նշեց, որ այսօր «Կոնգրես-ՀԺԿ» դաշինքը կդիմի Սահմանադրական դատարան՝ բողոքարկելու ապրիլի 2-ին կայացած խորհրդարանական ընտրությունների արդյունքները:

ՍԴ դիմել են երեք բլոկով, առաջինը՝ վարչական ռեսուրսի կիրառում, որը երբեք այսքան չէր եղել, վարչական ռեսուրսի կիրառմանը ներգրավվել են եղել բոլոր պետական հիմնարկները, դպրոցները: Երկրորդը՝ ընտրակաշառքի բլոկն է, իսկ երրորդը`վերահսկողության մեխանիզմները:

Աղբյուր` Փաստինֆո