Փաստ ինֆո

«Օրենքով» գող Արմեն Հարությունյանի (Արմեն Կանևսկի) հանցավոր ընկերակցության գործունեության գործով վկաները սկսել են սպառնալիքներ ստանալ: Մեղադրանքի վկաներից մեկը ծեծի էր ենթարկվել, այս փաստի առթիվ ոստիկանությունը ստուգում է անցկացնում: Ինքը՝ «օրենքով» գողը, մահացել է դեռևս 2010թ., սակայն չնայած դրան, նրա կազմակերպված հանցավոր խումբը շարունակել է իրեն հպատակեցնել Կրասնոդարի երկրամասի տարբեր կոմերցիոն կառույցները՝ մնալով ամենաազդեցիկ խմբավորումներից մեկը:

Վկաներից մեկը դատարանում հայտնել է, որ Արմեն Կանևսկու խմբավորումը Ռուսաստանի հանցավոր հիերարխիայում զբաղեցնում էր առաջատար դիրքերից մեկը: «Արմենի հետ 2003թ. մեզ ծանոթացրել է Արտյոմը, նրա մականունը Բալամուտ է: Ծանոթացել ենք, շփվել, հետո նորմալ հարաբերություններ էինք պահպանում: Արմենի մարդկանց մոտ միշտ ինքնաձիգներ, ատրճանակներ կային – քրեական մարդկանց համար դա նորմալ է»,- պատմել է վկան:

Նշենք, որ տվյալ խմբավորումը հանցագործություններ կատարելու ընթացքում առանձնանում էր առանձնակի դաժանությամբ, այդ պատճառով քրեական աշխարհում համարվում էր «ցուրտը տարած»: Ինչպես ասել է պետական մեղադրողը, «հայտնի է, որ Ասլան Ուսոյանը (Դեդ Հասանը) զգուշանում էր Արմեն Կանևսկուց, քանի որ շատերը բնութագրում էին նրան որպես բեսպրեդել իրականացնող»:

Հիշեցնենք, որ Կրասնոդարի երկրամասային դատարանում ընթանում է Արմեն Կանևսկու հանցավոր ընկերակցության ենթադրյալ մասնակիցների՝ 48-ամյա Օլեգ Վանչենկոյի, 45-ամյա Էրնեստ Լալաբեկովի, 54-ամյա Մանուկ Թորոսյանի և 55-ամյա Ալեքսանդր Ժիգալկոյի, դեմ գործի քննությունը:

Քննության վարկածի համաձայն, բոլոր չորսը մասնակցել են կուբանյան գործարար Սուրեն Եգիազարովի և 2007 թ. Արմեն Կանևսկուն ձեռնարկատիրոջ հետ հանդիպմանն ուղեկցող նրա երկու ծանոթների սպանությանը:

Ինչպես ենթադրում են իրավապահները, 2006թ. հոկտեմբերին «օրենքով» գողն առաջարկել է Եգիազարովին՝ «Նովոկուբանսկոյե» ՓԲԸ կոնյակի գործարանի համասեփանատիրոջը, իր հովանավորությունը ամիսը $30 հազարի դիմաց: Ձեռնարկատերը սկզբից համաձայնել է, սակայն առաջին վճարումից հետո որոշել է հրաժարվել: Դրա հետևանքով սպանվել էր Կուբանի Կրասնոարմեյսկի շրջանի Տրուդոբելիկովսկի խուտորի «Ույուտ» սրճարանում:

«Օրենքով» գող Արմեն Կանևսկին դատապարտվել էր այդ գործով 2010թ., սակայն այդ տարվա դեկտեմբերին մահացել էր շաքարախտից ուղղիչ-աշխատանքային գաղութի հիվանդանոցում:

Աղբյուր` Փաստինֆո