Փաստ ինֆո

Երեկ մայրաքաղաքի դպրոցների մեկի բակում երկու աշակերտի կողմից կատարված ինքնասպանության փորձի  դեպքով դպրոցի տնօրենը հրավիրվել է Կրթության գիտության նախարարություն՝  ներկայացնելու համապատասխան պարզաբանում միջադեպի շարժառիթների և դրան առնչվող հանգամանքների վերաբերյալ: Այդ մասին արձագանքելով «Փաստինֆո»-ի հրապարակմանը հայտնում է  Կրթության գիտության  նախարարությունը:

Նախարարությունից տեղեկացնում են, որ դեպքը տեղի է ունեցել Երևանի թիվ 127 ավագ դպրոցի բակում:

 Խնդիրը նախատեսվում է առաջիկայում քննարկել նաև դպրոցի մանկավարժական խորհրդի ընդլայնված նիստում, որին կմասնակցեն ԿԳՆ ներկայացուցիչները:

Տնօրենը բարկացել է գումարը չվճարելու համար. դպրոցականները փորձել են ինքնասպան լինել

Նախարարությունն արձանագրում է, որ տվյալ դպրոցում անհրաժեշտ է կատարել ուսումնական և դաստիարակչական գործընթացի համապարփակ ուսումնասիրություն՝ ծնող-ուսուցիչ-աշակերտ հարաբերությունների, սովորողի վարքագծի և մանկավարժական մոտեցման տեսանկյունից:

Միաժամանակ ԿԳՆ-ն ընդգծում է, որ խնդիրը գտնվում է նաև իրավապահ մարմինների ուշադրության կենտրոնում:

Ավելի վաղ «Փաստինֆո»-ն տեղեկացրել էր, որ մայրաքաղաքի դպրոցներից մեկի բակում. երկու դպրոցական ածելիով վնասել են իրենց ձախ ձեռքերի նախաբազուկները:

Դեռահասներն սովորում են նույն դպրոցի՝ 10-րդ և 11-րդ դասարաններում։ Ըստ նախնական վարկածի՝ դպրոցի տնօրենը բարկացել է 10-րդ դասարանի աշակերտի վրա՝ դպրոցի կողմից տրամադրված գրքերի գումարը չվճարելու համար, ինչից ընկճվելով նույն օրը ժ.10.00-ին՝ դպրոցի բակում դպրոցականը և նրա ընկերը  ածելիով վնասել են իրենց ձախ ձեռքերի նախաբազուկները:

Աղբյուր` Փաստինֆո