Փաստ ինֆո

Երկու «օրենքով» գողերի՝ Մերաբ Ջանգվելաձեի (Մերաբ Սուխումսկի) և Ռոման Կաշչաևի (Կաշչեյ) կլանների քրեական «պատերազմը» մոտ ժամանակներս կարող է դառնալ ռուսաստանյան իրավապահ համակարգի վերևներում քննության առարկա:

Վերջին ժամանակներս Կաշչեյին վարկաբեկող նյութեր փնտրելիս բռնվել էր մի քանի մարդ, ընդ որում մեկին ոլորել էին հենց «Վնուկովո» օդանավակայանի ամառային դաշտում: Հետո տուժածներին, ըստ նրանց, գետում խեղդում էին, ստիպում սեփական գերեզմանը փորել և այլն: Արդյունքում նրանք անպայմանորեն հայտնվում էին կրանսնոդարյան քննչական մեկուսարանում:

Ինչպես պատմել է իրավիճակին ծանոթ աղբյուրը, Կրասնոդարի երկրամասի հանցավոր աշխարհում կազմվել է մի քանի հուժկու խումբ, որոնցից արժե առանձնացնել երեքը՝ Դավիդ Օզմանովինը (Դաթո Կրասնոդարսկին, որի թիկունքին կանգնած է նրա ազգական, «բոլոր բոսերի բոս» Զախարի Կալաշովը), Ռոման Կաշչաևինը և Մերաբ Ջանգվելաձեինը: Վերջինս այժմ Իտալիայում տնային կալանք է կրում, Ռուսաստանում նրա շահերը ներկայացնում է եղբայր Լևանը, իսկ անմիջապես Կուբանում, աղբյուրի կարծիքով, հեղինակավոր գործարար Մինդիա Գուլուան:

Մերաբը նույնիսկ բնակարանային բանտարկության ավարտից հետո՝ մայիսին, չի կարող հայտնվել ՌԴ-ում՝ նրան արգելվել է մուտքը երկիր: Ինչ վերաբերվում է Կաշչաևին, ապա նա ժամանակին «թագադրվել է» ազդեցիկ «օրինական» Յուրի Պիչուգինի (Պիչուգա) հովանավորությամբ, ով արդեն վաղուց թշնամական հարաբերությունների մեջ է Մերաբ Սուխումսկու հետ: Կաշչեյը հետևում է Պիչուգայի գծին: Բացի այդ, նրա դիրքորոշման վրա անդարադարձել է նաև մի քանի տարի առաջ նրա կոնֆլիկտը Մինդիա Գուլուայի հետ, որի պատճառով Կաշչաևն ու Մերաբը երկար ժամանակ գտնվել են «սառը պատերազմի» վիճակում:

Գուլուան վերջին տարիներին դարձել է քրեական քրոնիկոնի հաճախակի հերոսը, ճիշտ է, բացառապես որպես մահափորձերի զոհ: Մեկ հանկարծակի նրա մեքենան պայթել է, մեկ նա կարողացել է փախչել վրա հասնող քիլլերից:

Զրուցակցի վարկածի համաձայն, բոլոր այդ մահափորձերը անպայմանորեն տեղի էին ունենում հենց այն ժամանակ, երբ Մինդիայի մոտ կոնֆլիկտներ էին ծագում պարտատերերի հետ: Ընդ որում, նա մատնացույց էր անում նրանց որպես հնարավոր հետապնդողների: Իրենց փողերը հետ ստանալու ցանկություն ունեցող պարտատերերն էլ ստիպված էին լինում նահանջել:

Աղբյուր` Փաստինֆո