Փաստ ինֆո

Ընտրողների ճանչման սարքերի օգտագործումը օգնեց, որպեսզի կանխվի կրկնակի քվերակությունը, իսկ ընտրողների ստորագրված ցուցակների հրապարակումը կարևոր կանխարգելիչ նշանակություն ունեցավ այլ անձի փոխարեն քվեարկելը բացառելու համար: «Արմենպրես»-ի հաղորդմամբ` այս մասին ապրիլի 3-ին լրագրողների հետ հանդիպման ժամանակ ասաց ԵԱՀԿ կարճաժամկետ դիտորդական առաքելության ղեկավար և հատուկ համակարգող Ինգնասիո Սանչես Ամորը:

Նրա խոսքով` ապրիլի 2-ի խորհրդարանական ընտրությունները լավ էին կազմակերպված և ընդհանուր առմամբ պահպանվել էին հիմնարար ազատությունները: Ըստ Սանչես Ամորի, չնայած նոր տեխնոլոգիաների ներդրմանը, ընտրությունների վրա հետք են թողել
ընտրակաշառքների մասին վստահության արժանի տեղեկությունները, մասնավոր ընկերությունների կողմից ճնշումները ընտրողների վրա, որի հետևանքով նկատվել է հանրային վստահության պակաս:

ԵԱՀԿ կարճաժամկետ դիտորդական առաքելության ղեկավարի դիտարկմամբ` այս ընտրությունները գծանշեցին առաջին քայլը Հայաստանում քաղաքական համակարգ կառուցելու ճանապարհին, բայց փոփոխությունը չի կարող տեղի ունենալ մեկ գիշերում:

«Լուրջ բարեփոխումների համար անհրաժեշտ են վարքագծային փոփոխությունները: Ուժեղ ժողովրդավարություն ստեղծելու համար քաղաքական կուսակցություններին անհրաժեշտ է ավելի մեծ հասունություն ցուցաբերել և հրաժարվել անցյալի գործելակերպից: Չնայած իր բարդությանն` ընտրությունների իրավական դաշտն ամբողջական է և ձևավորվել է էական բարեփոխումների արդյունքում»,- ասաց ԵԱՀԿ կարճաժամկետ դիտորդական առաքելության ղեկավար և հատուկ համակարգող Ինգնասիո Սանչես Ամորը:

Նրա կարծիքով` քվեարկության օրը, ընդհանուր առմամբ, խաղաղ և հանդարտ է եղել, սակայն նկատվել են կազմակերպչական խնդիրներ և գործընթացի նկատմամբ անհարկի միջամատություններ հիմնականում կուսակցությունների ներկայացուցիչների կողմից: Անդրադառնալով ընտողների ճանաչման սարքերին, նա նշեց, որ դրանք արդյուանավետորեն աշխատել են, սակայն քվերակության գործընթացին բնորոշ են եղել կուտակումները, երկար հերթերը և կուսակցական ներկայացուցիչների և ոստիկանության կողմից միջամտությունները:

Ամորի խոսքով` ընտրողները դժվարություն են ունեցել քվերակության գործընթացը հասկանալու առումով:

«Դիտարկված տեղամասերի 35 տոկոսում քվերենի հաշվարկն իրականացվել է թափանցիկ, սակայն շատ դեպքերում գնահատվել է բացասաբար, որի հիմնական պատճառը կուսակցական ներկայացուցիչների միջամտությունն է, ինչպես նաև ընթացակարգային որոշակի բացթողումները»,- ասաց նա:

ԵԱՀԿ կարճաժամկետ դիտորդական առաքելության ղեկավարը կոչ արեց խորհրդարանական մեծամասնությանը և նոր կառավարությանը, որպեսզի շարունակեն ջանքերը երկրի քաղաքական մշակույթի բարեփոխման ուղղությամբ:

Եվրոպայի խորհրդի խորհրդարանական վեհաժողովի պատվիրակության ղեկավար Լիլիան մորի Պասկյեն կասկածներ չունի, որ Հայաստանի քաղաքացիների նախորդ քվեարկությունից հետո ջանքեր են գործադրվել, ներառյալ կազմակերպչական բարեփոխումները` ընտրական գործընթացի որակը բարձրացնելու ուղղությամբ: Նրա խոսքով` հարկավոր է իշխանություններին տուրք մատուցել այս նոր, բավականին բարդ ընտրական օրենսդրությանը`ընտրազանգվածին ծանոթացնելու ուղղությամբ կատարված աշխատանքների համար:

«Ցավալի է, որ չնայած բոլոր օրենսդրական և կազմակերպչական փոփոխություններին, այս ընտրությունները չվերացրին երկրում երկար ժամանակ գոյություն ունեցող կասակածները ընտրական գործընթացների վստահելիության և ազնվության նկատմամբ»,- ասաց Եվրոպայի խորհրդի խորհրդարանական վեհաժողովի պատվիրակության ղեկավար Լիլիան մորի Պասկյեն:

Լուսանկարը՝ Armenpress-ի

Աղբյուր` Փաստինֆո