Փաստ ինֆո

ՀՀ արդարադատության նախարար Արփինե Հովհաննիսյանը քիչ առաջ կատարեց իր ընտրությունը:

Ընտրություն կատարելուց հետո Արդարադատության նախարարը լրագրողների հետ զրույցում նշեց, որ քվեարկել է հանուն Հայաստանի վաղա օրվա, իսկ Հայաստանի վաղվա օրը նախարարը պատկերացնում է առաջընթաց ապրող, անվտանգ և ապահով:

Քարոզարշավը նախարարը ընդհանուր առմամբ նորմալ գնահատեց, սակայն նաև նշեց, որ եղել են որոշ դրվագները որոնք ցանկալի էին, որ չլինեին, դրանց մասին նախարարն այսօր չցանկացավ բարձրաձայնել, «օրենքի շրջանակներում և ակնառու խնդիրներ որոնք կարող էին ստվերել ամբողջ գործընթացը՝ չեն եղել»:

Արփինե Հովհաննիսյանը մյուս քաղաքական ուժերին հորդորեց որպեսզի լայնամասշտաբ խախտումների պատրանք չստեղծեն, որովհետև եթե իրականում կա որևէ խնդիր դրան անպայման արձագանք լինելու է հաշվի առնելով այն հանգամանքը, որ գրեթե բոլոր ընտրատեղամասերում տեսախցիկների առկայությունը, դիտորդների աննախադեպ բարձր թիվը և առհասարակ այն ամբողջ հսկողական մեխանիզմները, որոնք ներդրված են:

Հանրապետական կուսակցության կողմից կաշառ բաժանելու վերաբերյալ հարցին ի պատասխան նախարարը նշեց՝ «վստահեցնում եմ, որ ներդրված են բոլոր մեխանիզմները որպեսզի ընտրակաշառքն ունենա զրո ազդեցություն, իսկ թե ինչպիսի առանձին դեպքեր կարող են լինել, ես չեմ կարող որևէ մեկի փոխարեն երաշխավարություն տալ:Ես վստահ եմ մի բանում՝ դրա ազդեցությունը հասցված է զրոյի, այդ մասին փաստում եմ ոչ միայն ես, այլև մեր ընդիմադիր գործընկերները»,- ասաց Արդարադատության նախարարը:

Աղբյուր` Փաստինֆո