Փաստ ինֆո

Ինչպես հայտնի է դարձել «Փրայմ Քրայմ» լրատվական գործակալությանը, այսօր առավոտյան ավիաչվերթով «Դոմոդեդովո»-ից Երևան է արտաքսվել 53-ամյա «օրենքով գող» Հայկ Նիկողոսյանը, ով քրեական միջավայրում առավել հայտնի է որպես Հայկ Ղարաբաղսկի:

Նախօրեին քրեական հեղինակությունն, ով ազատ էր արձակվել «Վլադիմիրյան ցենտրալ»-ից, Ռուսաստանի ՆԳՆ Քրեական հետախուզության գլխավոր վարչության աշխատակիցների կողմից ծանոթացվել էր Ռուսաստան մուտք գործելու ցմահ արգելքի վերաբերյալ նախարար Կոլոկոլցևի որոշման հետ:

Գործակալության տվյալներով, Հայկ Նիկողոսյանը թագադրվել էր 90-ականների կեսերին Ռուդոլֆ Օհանովի կողմից և նկատելի դեր էր խաղում Կովկասյան Մինվոդիի համար Դեդ Հասանի հետ նրա երկպառակության մեջ: Ռուդիկի սպանությունից հետո գործնականում նրա բոլոր նախկին զինակիցները, ով չէր գնացել Հասանի մոտ խոնարհվելու, այս կամ այն պատճառով դափնեզրկվել էին: Ւնքը՝ Հայկոն, «թագ»-ը վայր է դրել Երևանում Ռաֆ Սվոյի մահվան տասներորդ տարելիցին, սակայն շարունակում էր վարել գողական չափանիշներով «ազնիվ» կենսակերպ և հույս էր փայփայում երբևէ վերականգնել իրավունքները:

Տիտղոսը վերադարձնելու հարմար դեպք ներկայացել էր ի դեմս Գուրամ Չիխլաիձեի, նույն ինքը Կվեժոեվիչի, ում «արհեստի գործընկերները» շատ տարիների ընթացքում կշտամբում էին նրա հոր՝ Կվեժոյի, համար վրեժխնդիր չլինելու համար:

Որպես Գուրամի ու Հայկոյի կապող օղակ նշվում է Խաչուլիկ մականունով Խաչատուր Ասատրյանը, ում հետևից արդեն իսկ ձգվում է երկար արյունոտ «տուտքը»: Գործակալության տվյալներով, հենց Խաչուլիկն է 2014թ. հունվարին ծրագրել ու կազմակերպել նախկին «օրենքով» գող Դավիդ Մելքաձեի, Դաթո Փոթիյսկու վերացումը, ում Գուրամը դեռևս մանկության տարիներին մատնացույց է արել որպես Կվեժոյին սպանողի: Մելքաձեի սպանության համար Գուրամը փոխարենը, իբրև թե, խոստացել է աջակցել Հայկոյի մտադրություններին:

Հանգամանքների զուգակցմամբ, Նովոկոսինոյում Դաթոյի վերացնելուց հետո մի քանի օր անց անհայտ անձինք գնդակահարել են Խաչուլիկին, իսկ Հայկոյի հարցը «առկախ» է մնացել անորոշ ժամանակով: Նիկողոսյանը դրանից հետո մոտ մեկ ամիս թաքնվում էր Ուկրաինայում «օրենքով» գող Սերգեյ Գլոնտիի՝ Գուգայի մոտ, սակայն հասկանալով, որ նա իր գործերում իրեն օգնական չէ, Մոսկվա է վերադարձել, որտեղ էլ ձերբակալվել է: Հայկոյի հետ միասին բռնել են նաև Բախշի Պետրոսյանին, ի դեմս ում օպերատիվ աշխատակիցները կարճ ժամանակ անց ճանաչել են Մելքաձեին սպանողին:

Աղբյուր` Փաստինֆո