Փաստ ինֆո

Օրենբուրգի շրջանի մահմեդականների հոգևոր վարչությունը արձագանքել է «օրենքով գողերի» ու  մահմեդական կալանավորների միջև բորբոքվող կոնֆլիկտին:

Կոնֆլիկտի առիթ է հանդիսացել, հիշեցնենք, «օրենքով գող» Ռուսլան Զուգդիդսկի մականվամբ Ռուսլան Գեգեչկորիի (Շլյապա-մլադշի) հետ գործակցողների և ծնունդով Չեչնիայից ու Դաղստանից խմբի միջև կռիվը: Ընդհարման ժամանակ տուժել են ոչ միայն կովկասցիներ, այլև տուվայական գաղութին կից մզկիթի տարածքը, որտեղ էլ ամեն ինչ տեղի է ունեցել: Մինչ այդ, ըստ տուժող կողմի, Գեգեչկորին ոչ այնքան լավ է  արտահայտվել ամբողջ չեչենական ազգի մասին, ինչի համար էլ դեմքին հարված է ստացել: Դա էլ ըստ էության դարձել է հետագա իրադարձությունների պատճառը:

Ինչպես հայտարարել է Օրենբուրգի շրջանի մահմեդականների հոգևոր վարչության նախագահ Ալֆիտ Շարիպովը, սալաֆիտ մահմեդականները դիտավորյալ դիմակայություն են բորբոքում կալանավորների ու «օրենքով գողերի» միջև բանտերի ու գաղութների նկատմամբ հսկողություն ստանալու հույսով:

Պատիժների կատարման դաշնային ծառայությունում հանգստություն են պահպանում և չեն համարում, որ տվյալ կոնֆլիկտը կարող է վերաճել կրոնական սկզբունքով պատերազմի: Գերատեսչությունում նշում են, որ «օրենքով գողերի» մեջ էլ քիչ չեն մահմեդականները, իսկ «արյունոտ ջարդի» և ավերված մզկիթի մասին խոսակցությունները խիստ չափազանցված են: Հատկապես որ տուժողներից որևէ պաշտոնական բողոք իրենք չեն ստացել:

Մինչդեռ Ռուսլան Գեգեչկորին այդ ժամանակից ի վեր պարբերաբար սպառնալիքներ է ստանում: Սկզբից չեչենական սփյուռքի հեղինակավոր ներկայացուցիչները հայտարարել են, որ միջադեպը հենց այնպես չեն թողնի և կպահանջեն ոչ միայն իրենից՝ մեղավորից, այլև նրա հորից՝ «օրենքով գող» Ռոլանդ Գեգեչկորիից:

Ավելի ուշ տեղեկություն էր հայտնվել առ այն, որ հյուսիսկովկասյան ու միջինասիական սփյուռքերի ոմն հոգևոր առաջնորդներ Մոսկվայի հարավ-արևելքում առևտրի համալիրներից մեկում անցկացված ժողովում մահվան են դատապարտել «Շլյապա-մլադշի»-ին:

Այդ ընթացքում Գեգեչկորի կլանը փորձում է ինչ-որ կերպ կոծկել կոնֆլիկտը և կովկասցիների հետ բանակցությունների միջնորդ է փնտրում: Օրինականներն արդեն դիմել են հեղինակավոր չեչեն «օրենքով գող» Ահմեդ Դոմբաևին (Ահմեդ Շալինսկի), ով պատիժ է կրում Հյուսիսային Օսիայում: Սակայն նա մերժել է օգնել նրանց: Դրանից հետո «Ռոլանդ Շլյապա»-ի ներկայացուցիչները բանակցությունների մեջ են մտել մեկ այլ չեչեն «օրենքով գող» Ազիզ Բատուկաևի հետ:

Աղբյուր` Փաստինֆո