Փաստ ինֆո

Լոռու մարզի Գյուլագարակ գյուղի միջնակարգ դպրոցի սաների թունավորման պատճառը ո՛չ գարնանային արևն է եղել, ո՛չ էլ՝ մրսելը:

Հիշեցնենք, որ մարտի 2-ին միջնակարգ դպրոցի 6 աշակերտի ինքազգացողությունը վատացել էր, և նրանք տեղափոխվել էին «Ստեփանավան բժշկական կենտրոն», որտեղ նրանց մոտ ախտորոշվել է «Սննդային թունավորում»:

Այս կապակցությամբ ավելի վաղ Քննչական կոմիտեն հանդես եկավ պաշտոնական հաղորդագրությամբ նշելով, որ ահազանգի հիման վրա նյութերի նախապատրաստման ընթացքում տվյալներ են ձեռք բերվել, որ «Դպրոցական սնունդ» ծրագրի շրջանակներում Գյուլագարակ գյուղի միջնակարգ դպրոցի պատասխանատու անձինք նույն օրը՝ ժամը 11-ի սահմաններում, հիշյալ դպրոցի 4-րդ դասարանի աշակերտներին սահմանված ճաշացանկով մատակարել են հաց և բրնձով ապուր, ինչն ուտելուց հետո 6 աշակերտների ինքնազգացողությունը վատացել է, և նրանք ժամեր անց՝ ժամը 18:10-ից ժամը 18:35-ն ընկած ժամանակահատվածում, տեղափոխվել են բժշկական կենտրոն։

Գյուլագարակի աշակերտների թունավորման պատճառը կպարզվի քննությամբ. հարուցվել է քրեական գործ

Դեպքի առթիվ Ստեփանավանի քննչական բաժնում հարուցվեց քրեական գործ՝ ՀՀ քրեական օրենսգրքի 279-րդ հոդվածի 2-րդ մասի 1-ին և 2-րդ կետերի հատկանիշներով:

Քրեական գործի շրջանակներում դպրոցից շրջակա միջավայրից վերցվել էին փորձանմուշներ, արդյունքում՝ ճաշի ափսեներից և աթոռների թիկնակներից անջատվել է ոսկեգույն ստաֆիլակոկ, որը կարող էր հավանական պատճառ դառնալ դպրոցի սաներ թունավորման:

Սննդային թունավորման ախտանշաններով Ստեփանավանի բուժկենտրոն տեղափոխված աշակերտներն արդեն դուրս են գրվել հիվանդանոցից

Այսինքն՝ լաբորատոր հետազոտության արդյունքների համաձայն, դպրոցում մաքրության աստիճանը մեղմ ասած մտահոգիչ է ու հենց աղտոտվածություն է պատճառը, որ երեխաները թունավորվել են։ Այսինքն՝ ապուրն ինքն պատրաստված է եղել նորմալ, բայց այն առանձին դեպքերում երեխաներին մատուցվել են կեղտոտ ափսեներում։

Գործի վերաբերյալ «Փաստինֆո»-ի հարցմանն ի պատասխան Քննչական կոմիտեից տեղեկացրեցին, որ դպրոցի ճաշարանի շահագործումն առայժմ արգելված է և դպրոցի տնօրենն առանց վարույթն իրականացնող մարմնի թույլտվության իրավասու չէ ճաշարանը վերաբացել:

Երեխաները սննդային թունավորում են ստացել դպրոցի ճաշարանում

Նշենք նաև, որ դպրոցի տնօրենը լրատվամիջոցներից մեկին հայտնել է, որ դպրոցականների թունավորման պատճառը սնունդը չի եղել, և նրանց թունավորումը ճաշարանի հետ ոչ մի կապ չունի, միգուցե արևից է եղել, կամ մրսելուց կարող է լինել, ուստիև մարտի 14-ից դպրոցի ճաշարանն ամենայն հավանականությամբ կսկսի գործել:

Աղբյուր` Փաստինֆո