Փաստ ինֆո

Մենք արդեն տեսել ենք նման օրինակ և կարելի է եզրակացնել ռուսական կողմի դիրքորոշումը:

«Ի՞նչ է նշանակում միջամտել:  Կմիջամտի՞ ռազմական ուժերով: Ոչ, չի միջամտի, քանի դեռ լոկալ համարտությունը տեղի է ունենում: Այլ մեթոդներով կմիջամտի՞, որպեսզի   անհապաղ վիճակը հանդարտվի: Այո, իհարկե»,- Panorama.am-ի հաղորդմամբ՝ Երևանում լրագրողների հետ հանդիպմանն ասաց ռուս քաղաքագետ, «Վալդայ» ակումբի գիտական աշխատանքների գծով տնօերն Ֆեոդոր Լուկյանովը՝ պատասխանելով հարցին, թե ինչպիսի՞ն կլինի ՌԴ արձագանքը, եթե Ադրբեջանը սկսի ռազմական գործողություններ արցախա-ադրբեջանական զորքերի շփման գծում, կմիջամտի՞ Մոսկվան, թե՞ ոչ:

Նա նշեց, որ այսօրվա դրությամբ արտաքին ուժերից որևէ մեկին էսկալացիա պետք չէ այս շրջանում, քանի  որ բոլորն էլ այլ խնդիրներ ունեն, այլ բանով են զբաղված:

«Բացառությամբ կողմերի ներքին ինչ-որ տրամաբանության, արտաքին խթաններ չեմ տեսնում»,- ասաց քաղաքագետը՝ հավելելով, որ վերջին տարիների փորձը ցույց է տալիս, որ ներքին անկայնությունն ամրապնդվում է արտաքին ուժերի հետաքրքրվածության դեպքում:

«Արտաքին հետաքրքրվածություն այսօր չկա»,- նշեց նա:

Ֆ. Լուկյանովի խոսքով` եթե որևէ  բան տեղի ունենա կրկին, նման կլինի ապրիլյան իրադարձություններին, ՌԴ-ն կրկին, իհարկե ներգրավելով ԵԱՀԿ մյուս համանախագահ երկրներին, ջանքեր կգործադրի հնարավորինս շուտ դադարեցնելու համար:

«Սա խնդրի լուծում չէ: Այսօրվա դրությամբ չեմ տեսնում խնդրի լուծում»,- ասաց նա՝ հավելելով, որ այսօրվա դրությամբ ստատուս-քվոյի պահպանումը միակ բան է, որ կարելի է անել: 

Լուսանկարը՝ Panorama.am-ի

Աղբյուր` Փաստինֆո