Փաստ ինֆո

Զինված խմբի գործով կալանավորված «Տիգրան Մեծ» ջոկատի ազատամարտիկ Էդուարդ Ներսիսյանը հիգիենայի հետ կապված խնդիրներ չունի, առողջական վիճակն էլ գնահատվում է բավարար: «Փաստինֆո»-ի հարցմանն ի պատասխան նշել են ՀՀ ԱՆ ՔԿՎ հանրային կապերի բաժնից:

Օրեր առաջ Էդ. Ներսիսիյանի պաշտպան Կարմեն Պողոսյանը լրատվամիջոցներին ասել էր, որ 2016 օգոստոսին «Նուբարաշեն» քրեակատորղական հիմնարկում գլխուղեղի կաթված ստանալուց հետո իր պաշտպանյալը տեղափոխվել է «Էրեբունի» բժշկական կենտրոն, որտեղ մնացել է մեկ ամիս եւ նորից տեղափոխվել «Դատապարտյալների հիվանդանոց» ՔԿՀ: «Ամբողջ աջ կողմը թուլացած է, ինքնուրույն չի կարողանում հագնվել, հիվանդանոցից դուրս գրման օրվանից առ այսօր չի լողացել, ո՞վ պետք է լողացնի, ամբողջ ձմեռ քնել է նույն սպիտակեղենով, ոչ ոք չի օգնել իրեն նույնիսկ սպիտակեղենը փոխելու հարցում: Չի կարողանում հիգիենան ապահովի: Այս խնդիրները ես բարձարացրել եմ, դիմել եմ դատարանին, երբ գործը մտավ դատարան, մինչ դա դիմեցի խափանման միջոցը փոխելու պահաջով, բայց չփոխեցին»,- ասել է փաստաբանը:

Ազատամարտիկ Ապարը ՔԿՀ-ում կաթված է ստացել. նա 7 ամիս չի լողացել.armtimes.com

Քրեակատարողական ծառայությունն արձագանքելով փաստաբանին` տեղեկացնում է, որ «Է. Ներսիսյանը, տևական ժամանակ գտնվելով «Դատապարտյալների հիվանդանոց» ՔԿՀ-ում, ստանում է նեղ մասնագետների՝ նյարդաբանի և թերապևտի կողմից նշանակված բոլոր բուժումները և պարբերաբար՝ նաև խորհրդատվություններ։

Մշտապես գտնվում է ինչպես համապատասխան բժիշկ-մասնագետների, այնպես էլ հիմնարկի մյուս աշխատակիցների հոգածության ներքո։ Երբևէ դժգոհություն չի հայտնել իրեն մատուցվող բժշկական ծառայությունների որակից։

Ներկայումս Է. Ներսիսյանի առողջական վիճակը գնահատվում է բավարար. ինքնուրույն տեղաշարժի և շարժունակության լուրջ խնդիրներ չունի, անձնական հիգիենայի հետ կապված խնդիրներ՝ նույնպես»։

Աղբյուր` Փաստինֆո