Փաստ ինֆո

Նախօրեին Արաբկիր վարչական շրջանում ինքնասպանության դեպք է գրանցվել:

Մեր տեղեկություններով՝ 40-ամյա կինը շենքերից մեկի 4-րդ հարկից ցած է նետվել՝ թողնելով գրություն, որում հայտնել է այդ քայլին դիմելու պատճառը:

Ըստ Yerkir.am-ի՝ 40-ամյա Վարդուհի Սարոյանը մոտ մեկ ամիս առաջ դիմել է կայքին և պատմել իր անելանելի վիճակի մասին: Սարոյանը կայքին հայտնել էր, որ իր ունեզրկման հետ ուղղակի առնչություն ունի քրոջ ամուսինը՝ Տիգրան Տեր-Մարգարյանը, ով առաջիկա խորհրդարանական ընտրություններում ռեյտինգային ընտրակարգով իր թեկնածությունն է առաջադրել Էրեբունիում, և նրա ընկերը՝ ՀՀ առաջին նախագահ Լևոն Տեր-Պետրոսյանի եղբորորդին՝ Տիգրան Տեր-Պետրոսյանը:

Դեռևս նախորդ տարվա սեպտեմբերին Վարդուհի Սարոյանը ոստիկանության Էրեբունու բաժնում հաղորդում է տվել այն մասին, որ քրոջ ամուսինը՝ Տիգրան Տեր-Մարգարյանը, և նրա ընկերը՝ Տիգրան Տեր-Պետրոսյանը, ընդհանուր բիզնես գործունեություն ծավալելու և հասույթ ստանալու պատրվակով, նախնական համաձայնությամբ, խաբեությամբ և վստահությունը չարաշահելով, առանց իր համաձայնության և գիտության, 2012թ. մարտի 18-ին «ՎՏԲ Հայաստան բանկ» ՓԲԸ-ում գրավադրել են սեփականության իրավունքով իրեն պատկանող, Երևան քաղաքի Բաղրամյան պողոտայի 2-րդ շենքի թիվ 80 հասցեում գտնվող տարածքը, ինչի հետևանքով իրեն պատճառվել է առանձնապես խոշոր չափերի գույքային վնաս:

Դեպքի առթիվ նախապատրաստված նյութերով քրեական գործի հարուցումը քննիչը մերժել է, սակայն Երևանի դատախազը վերացրել է այն և քրեական գործ հարուցել ՀՀ ՔՕ 178-րդ հոդվածի 3-րդ մասի 1-ին կետով (առանձնապես խոշոր չափերով խարդախությունը):

Մանրամասները՝ սկզբնաղբյուր կայքում

Աղբյուր` Փաստինֆո