Փաստ ինֆո

Մասիսում դանակահարության դեպքի հետ կապված «Փաստինֆո»-ին որոշ նոր տեղեկություններ են հայտնի դարձել: Մասնավորապես, մեր տեղեկություններով, դանակահարությանը նախորդել է վիճաբանությունը դեպքի նախօրեին:

Այսպես, փետրվարի 28-ի երեկոյան տուժողը վիճաբանել է կասկածյալի հորեղբոր որդու հետ, իսկ երբ կասկածյալը փորձել է պարզել վիճաբանության պատճառը, տուժողը նրան պատասխանել է, որ իր գործը չէ և բռունցքով 1 անգամ հարվածել է նրա քթի շրջանին ու հեռացել:

15 րոպե անց վերջինս վերադարձել է, հերքել է իրեն հարվածելու հանգամանքը, որից հետո կասկածյալն իրեն հարվածողի հասցեին սեռական բնութի հայհոյանք է հնչեցրել: Առաջացել է քաշքշուկ, սակայն հավաքված անձինք միջամտել ու բաժանել են իրենց:

Իսկ մարտի 1-ին տուժողը զանգահարել է՝ հայտնելով, որ գալիս է հաշտվելու: Սակայն ներկայացել է 5-6 անձանց հետ, ապա նրա առաջարկով տուժողն ու կասկածյալը երկուսով առանձնացել են, այդ ժամանակ տուժողը, նախորդ օրն իր կողմից հայհոյանք տալու համար, բռունցքով հարվածել է դեմքի շրջանին, ապա գլխին, որից հետո վեջրինս հանել է դանակը, իր ասելով ինքնապաշտպանության համար, ու քաշքշոցի ժամանակ հարվածել։

Կասկածյալի՝ մարմնական վնասվածք ստանալու հանգամանքը պարզելու նպատակով նշանակվել է դատաբժշկական փորձաքննություն:

Դանակահարություն Մասիսում. հանցագործությունը բացահայտվեց

Ավելի վաղ տեղեկացրել ենք, որ դանակահարության դեպքի առթիվ Արարատի մարզային քննչական վարչությունում հարուցվլե է քրեական գործ՝ ՀՀ քրօրենսգրքի 112-րդ հոդվածի առաջին մասով, կասկածյալը ձերբակալվել է։

Մասիսում դանակահարության դեպքի առթիվ քրեական գործ է հարուցվել

Աղբյուր` Փաստինֆո