Փաստ ինֆո

ՄԱԿ-ի մանկական հիմնադրամը (ՅՈւՆԻՍԵՖ) նախազգուշացրել Է չորս երկրներում՝ Հարավային Սուդանում, Նիգերիայում, Սոմալիում եւ Եմենում սովից 1,4 մլն երեխաների հնարավոր մահվան մասին: Ինչպես տեղեկացնում Է «Արմենպրես»-ը, տվյալները հրապարակել Է BFMTV-ն:

Փորձագետների եզրակացությունների համաձայն, Եմենում թերասնումից տառապում Է 462 հազար երեխա, Նիգերիայում նրանց թիվը հասնում Է 450 հազարի: Երաշտի պատճառով Սոմալիում սովամահության եզրին են հայտնվել 185 հազար փոքրիկներ, մի քանի ամսից նրանց թիվը կարող Է հասնել 270 հազարի: ՄԱԿ-ի Պարենի համաշխարհային ծրագրի տվյալներով, Հարավային Սուդանի գրեթե 100 հազար բնակիչներ առաջիկայում կարող են սովից մեռնել, եթե երկրին բավարար ծավալով հումանիտար օգնություն չհասցվի: Երկրի շուրջ 1 մլն բնակիչներ հայտնվել են սովի եզրին.

ՅՈւՆԻՍԵՖ-ի տվյալներով՝ նրանցից ավելի քան 250 հազարը երեխաներ են: Ընդամենը թերասնումից Հարավային Սուդանում տառապում Է երկրի բնակչության 40 տոկոսը կամ 4,9 մլն մարդ:
ՅؤՆԻՍԵՖ-ի գործադիր տնօրեն Էնթոնի Լայքը հայտարարել Է ողբերգությունը կանխելու նպատակով շտապ միջամտության անհրաժեշտության մասին:

«Մենք դեռեւս կարող ենք փրկել նրանցից շատերին»,-ասել Է նա:

ՄԱԿ-ի արտակարգ օգնության ցուցաբերման համակարգող Սթիվեն Օ՛Բրայենը ավելի վաղ հայտարարել Է, որ Եմենում շարունակվող զինված հակամարտությունը սպառնում Է դառնալ արդի աշխարհում իր մասշտաբներով խոշորագույն սովի պատճառ: Պաշտոնյայի խոսքով՝ երկրի շուրջ 10 մլն բնակիչներ սննդամթերքի անբավարարություն ունեն: Կարիքավորների թվում են 2,7 մլն երեխաներ:

Աղբյուր` Փաստինֆո