Փաստ ինֆո

Եկատերինբուրգում շարունակվում է գողական խմբավորումների դիմակայությունը՝ կապված բանջարեղենային թիվ 4 բազայի վերաբաժանման հետ: Մինչև անցյալ տարվա օգոստոսը այն վերահսկվում էր օրենքով գող Ռովշան Ջանիևի կողմից (Ռովշան Լեքորանսկի): Ջանիևի սպանությունից հետո սկանդալային բանջարեղենային բազայի շուրջ սկսեցին ակտիվանալ տարբեր հանցավոր խմբավորումներ: Սակայն ամենից ազդեցիկները, որոնք շահագրգռված են առևտրականների ռեկետի մեջ, օրենքով գողեր Նոդար Սալիֆովի (Լոտու Գուլի) և Թամազ Գոգոլաձեի (Չերմեն) բրիգադներն են:

Լոտու Գուլիի էմիսարները հայտնվել են Եկատերինբուրգում այս տարվա հունվարի վերջին և անցել ցանկալի բանջարեղենային բազայի շուրջ ստեղծվող իրավիճակի ուսումնասիրությանը:

Օրերս էլ այստեղ ժամանել են նաև Չեմեզի ներկայացուցիչները, նա, ինչպես և Գուլին, բանտարկություն է կրում: Ճիշտ է, ի տարբերություն Սալիֆովի, Գոգոլաձեն ազատվում է 3 տարի ավելի շուտ, քան նրա ընդդիմախոսը՝ 2018թ.:

Նոդար Սալիֆովը պատիժ է կրում Ադրբեջանում, և այստեղից ղեկավարում է իր մարդկանց: Չերմենի համար ավելի հեշտ է, քանի որ նա գտնվում է ռուսաստանյան գաղութում՝ Սոլնեչնոգորսկում, և բրիգադիրների հետ հարցերը լուծում է ավելի օպերատիվ կերպով:

Բացի սկանդալային բազայից գողերին հետաքրքրում է նաև Եկատերինբուրգի այլ՝ Կոմսոմոլսկայայի, բանջարեղենային բազայի վերահսկողությունը, քանի որ, ըստ որոշ տեղեկությունների, իշխանությունների ծրագրերի մեջ թիվ 4 բանջարեղանային բազան քանդելու նախագիծն է: Նրա տեղում հետագայում բնակելի միկրոշրջան է հայտնվելու:

Ուրալում Լոտու Գուլիի ներկայացուցիչը քրեական հեղինակություն Աղայար Աղաևը (Սեդոյ), ով մինչ այդ աշխատում էր Ռովշան Ջանիևի հետ, նրա մահից հետո անցել է Սալիֆովի ազդեցության տակ:

Մինչ Լոտու Գուլին գրոհում է Սվերդլովսկի շրջանի վրա, նա կորցնում է իր մարդկանց Ուկրաինայում: Նախօրեին Օդեսսայում կազմակերպված հանցավորության կանխման՝ ուժայինների գործողության շրջանակում Օդեսսայի շրջանում ձերբակալվել է նրա նայողներից մեկը: 26-անյա քրեական հեղինակությունն արդեն վաղուց այստեղ ղեկավարում էր էթնիկ հանցավոր խմբավորումը: Նրան ձերբակալել էին անցյալ տարվա նոյեմբերին, նայողի մոտ գտել էին զենք ու թմրանյութեր: Սակայն դատարանը նրա նկատմամբ ընտրել էր կալանավորման հետ չկապված խափանման միջոց: Այդ պատճառով էլ հայտնվելով ազատության մեջ՝ հեղինակությունը թաքնվել է: Արդյունքում երեկ նրան հաջողվել է ձերբակալել: Նա ձերբակալվելիս դիմադրություն է ցույց տվել ոստիկանության աշխատակիցներին: Այժմ Օդեսսայի շրջանում Լոտու Գուլիի դրածոն գտնվում է քննչական մեկուսարանում:

Միաժամանակ երեկ Օդեսսայի ոստիկանների ձեռքում են հայտնվել նաև Գրիգորի Կարամալակի կազմակերպված հանցավոր խմբի մասնակիցները:

Աղբյուր` Փաստինֆո