Փաստ ինֆո

ՀՀ Նախագահ և ՀՀԿ նախագահ Սերժ Սարգսյանը չի գլխավորի ՀՀԿ նախընտրական ցուցակը։ Ինչպես այսօր ՀՀԿ ԳՄ նիստից հետո հայտարարեց կուսակցության խոսնակ Էդուարդ Շարմազանովը, այդպես է որոշել կուսակցության նախագահը։

ՀՀԿ ցուցակն առաջիկա խորհրդարանական ընտրություններում կգլխավորի ՀՀ պաշտրանության նախարար Վիգեն Սարգսյանը։ Այս մասին այսօր հայտնել է ՀՀԿ խոսնակ Էդուարդ Շարմազանովը։ ՀՀ Նախագահ Սերժ Սարգսյանը եւ վարչապետ Կարեն Կարապետյանը չեն լինի ցուցակում։

«Մեր ցուցակը բավականին մրցունակ է, բաղկացած է 64 հոգուց, այնտեղ կան և՛ մտավորականներ, և՛ գործող պատգամավորներ, և՛ մտավորականներ։ Մենք գտնում ենք, որ այսպիսի ցուցակով ՀՀԿ-ն մեծ հնարավորություն ունի ազատ մրցակցության պայմաններում գրանցել լուրջ հաջողություն ընտրությունների ժամանակ»,- ասաց Շարմազանովը։

Դիտարկմանը, որ եթե ՀՀԿ ցուցակը գլխավորում է պաշտպանության նախարար Վիգեն Սարգսյանը, հնարավո՞ր է, որ հենց նա է լինելու վարչապետ 2018 թ-ից հետո, Շարմազանովը պատասխանեց, որ շատ էր խոսվում, որ Սերժ Սարգսյանն է գլխավորելու ցուցակը, որպեսզի դառնա ԱԺ նախագահ, բայց «այս անգամ էլ օդում քամի եղավ», իսկ թե ինչ կլինի 2018 թ-ից հետո, կերևա այն ժամանակ։ Նա հավելեց, որ ինչպես հայտարարվել էր, 2017-ին իրենց վարչապետի թեկնածուն Կարեն Կարապետյանն է։

Ըստ Շարմազանովի՝ Սուրիկ Խաչատրյանը, Մհեր Սեդրակյանը, Աշոտ Աղաբաբյանը ցուցակում չկան, Սամվել Ալեքսանյանը ռեյտինգային ցուցակում է։

Ցուցակի առաջին տասնյակն ունի հետևյալ տեսքը.

1. Վիգեն Սարգսյան,
2. Տարոն Մարգարյան,
3. Արփինե Հովհաննիսյան,
4. Արա Բաբլոյան,
5. Արմեն Ամիրյան,
6. Արմեն Աշոտյան,
7. Էդուարդ Շարմազանով,
8. Մարգարիտ Եսայան,
9. Սամվել Ֆարմանյան,
10. Կարեն Ավագյան։

Աղբյուր` Փաստինֆո