Փաստ ինֆո

Յուրաքանչյուր տարի Քրեակատարողական հիմնարկներում պահվող  դատապարտյալներից կամ կալանավորված անձանցից  առգրավվում է շուրջ 2500 -3000 բջջային հեռախոս: Այս մասին այսօր հայտարարել է ՀՀ ԱՆ ՔԿՎ պետ Արթուր Օսիկյանը։ Նշենք, որ այսօր ՀՀ քննչական կոմիտեում տեղի է ունեցել խորհրդակցություն՝ ՔԿՎ-ներում գտնվող պահվող անձանց կողմից կատարվող հափշտակությունների վերաբերյալ։

Ըստ քննարկման մասնակիցների՝ խարդախությամբ հափշտակություն կատարելու հիմնական միջոցը հեռախոսն է, որով դատապարտյալներն ու կալանավորները ինտերնետի հասանելիություն են ձեռք բերում, զանգում։ Հափշտակված գումարը հասնում է 150 մլն դրամի։

Ինչպես հայտնի է՝ բջջային հեռախոսներ արգելված է փոխանցել քրեակատարողական հիմնարկներում պահվող  դատապարտյալներին կամ կալանավորված անձանցից, սակայն դրանց  արգելքը կարծես թե ամենևին էլ խոչընդոտ չի հանդիսանում:

Դատապարտյալներին կամ կալանավորված անձանցից հեռախոսներ են փոխանցվում տարբեր եղանակներով, որպես օրինակ նշվում է քրեակատարողական ծառայողների կողմից,  հանձնուքների  միջոցով ինչպես նաև տեսակցությունների ժամանակ:

ՔԿՀ-ներում գտնվող անձանց կողմից կատարվել է ավելի քան 150 մլն դրամի հափշտակություն. ՔԿ

Թվարկված եղանակներից բացի՝ կա մի հետաքրքրաշարժ եղանակ ևս, որպես կանոն կալանավորված անձը դատական նիստի տեղափոխելուց առաջ զննության է ենթարկվում, նրա մոտ որևէ արգելված իր չի հայտնաբերվում, սակայն վերադառնալուց հետո հետո զննությամբ նրա մոտ հայտնաբերվում է բջջային հեռախոս, հարց է առաջանում, ինչպե՞ս, ո՞ւմ միջոցով:

Այս երևույթի դեմ պայքարի եղանակները տարբեր են։ Ինչպես նշել է Ա.Օսիկյանը մշակել են օրինագիծ՝ արգելված իրեր փոխանցելու համար բավական մեծ տուգանքներ նախատեսելու նպատակով։ Խոսքը գնում է ընդհուպ մինչեւ 500 հազար դրամ տուգանքի մասին։ Օրինագիծն արդեն մեկ տարի է, ինչ շրջանառության մեջ է եւ օրենսդիրն այն դեռ չի ընդունել։  

Պայքարի մեկ այլ եղանակ է խլացուցիչներ նախատեսելը, սակայն այդ սարքը բացասական ազդեցություն է ունենում առողջության վրա եւ որոշ երկրներում դա արգելված է:  Բացի այդ՝ այն ազդում է նաև քրեակատարողական հիմնարկի աշխատակիցների հեռախոսների  վրա,  իսկ արտակարգ իրավիճակներում էլ անհրաժեշտության պարագայում հնարավոր չի լինում զանգահարել:

Որոշ երկրներում բավական հաջող կիրառվել է սերվերային համակարգը, ինչի մասին հայտնեց Ա.Օսիկյանը։ Այս համակարգը  իրենից ներկայացում է կոնկրետ հեռախոսահամարների մուտքագրում, այսինքն՝ միայն համակարգում մտուքագրված հեռախոսահամարները կկարողանան ունենալ մուտքային եւ ելքային զանգեր։ Սա թվում է բավական լավ լուծում է, բայց թանկ հաճույք։

Ա.Օսիկյանի հավաստմամբ՝ գիտակցում են ՔԿՎ-ի աշխատակիցների պատասխանատվությունը՝ այս հանցատեսակի աճի հարցում եւ հետեւողական քայլեր ձեռնարկում վերահսկողությունն ուժեղացնելու ուղղությամբ, նշանակվել են ծառայողական քննություններ, 6 աշխատակից հեռացվել է համակարգից։

Աղբյուր` Փաստինֆո