Փաստ ինֆո

Փաստաբանների պալատում խորհրդի ընտրությունների ամփոփումն ավարտվել է այսօր: Առավելագույն ձայներն ստացել են հետեւյալ 12 թեկնածուները`

1. Բաբայան Սիմոն Ալբերտի 714

2. Առուստամյան Մելանյա Սարգսի 651

3. Մեժլումյան Կարեն Սուրիկի 644

4. Ղազարյան Արայիկ Գառնիկի 638

5. Խուրշուդյան Տիգրան Սուրենի 614

6. Հարությունյան Հարություն Գագիկի 574

7. Սարդարյան Կարեն Հեկտորի 550

8. Սիմոնյան Տարոն Վարդանի 535

9. Հարությունյան Նելլի Ղուկասի 525

10. Աղաջանյան Կարապետ Սուրենի 508

11. Ասատրյան Սեդրակ Գառնիկի 505

12. Անանյան Հրանտ Սերգեյի 484

ՓՊ նախկին նախագահ Ռուբեն Սահակյանը եւ մի շարք այլ հայտնի փաստաբաններ Երվանդ Վարոսյանը, Լուսինե Սահակյանը, Տիգրան Աթանեսյանը, Ալեքսանդր Սիրունյանը, Գեւորգ Գյոզալյանը չեն ընտրվել խորհրդի կազմում:

Քվեարկության արդյունքների կապակցությամբ փաստաբանների մի մասը միմյանց շնորհավորում են, մյուս մասը` քննադատում: «Փաստաբանների պալատի խորհրդի ընտրությունները հաստատեցին իմ այն միտքը, որ Պալատ փաստացի գոյություն չունի, դա «փաստաբանական վարչություն» է, որն իր էությամբ մեծագույն և իրական սպառնալիք է փաստաբանության գաղափարին։ Ավելի մանրամասն և ամփոփ հայտարարությամբ ես և իմ գործընկերները հանդես կգանք վաղը։ Շնորհակալ եմ մեկ առ մեկ ինձ քվեարկած փաստաբաններին, ձեր ձայները ապացուցում են, որ փաստաբանությունը այս երկրում կարող է ունենալ այլ ապագա, քան նախագծված է որոշ շրջանակների կողմից», - ֆեյսբուքում գրել է Տիգրան Աթանեսյանը։

Հիշեցնենք, որ խորհրդի անդամի ընտրություններին մասնակցելու համար առաջադրվել էր 39 փաստաբան, քվեարկությանը մասնակցել է 1163 փաստաբան:

Աղբյուր` Փաստինֆո