Փաստ ինֆո

ԱԺ առաջիկա ընտրություններում ՀՀԿ-ի համամասնական ցուցակին կուսակցությունը կանդրադառնա հաջորդ շաբաթվա ընթացքում՝ երեքշաբթի կամ չորեքշաբթի օրը կայանալիք կուսակցության Գործադիր մարմնի նիստում: Իսկ կուսակցության ԳՄ այսօրվա նիստում հստակեցվել են տարածքային ցուցակները, որոնք արդեն պատրաստ են: ՀՀԿ ԳՄ նիստից հետո հայտարարել է ՀՀԿ խոսնակ Էդուարդ Շարմազանովը:

Տարածքային ցուցակներում ընդգրկված հայտնի անձանց թվում Էդ. Շարմազանովը նշեց Արտակ Սարգսյանի, Միհրան Պողոսյանի, Հակոբ Բեգլարյանի, Արման Բաբլոյաի, Սեյրան Սարոյանի, Արագած Ախոյանի, Մարտուն Գրիգորյանի, Մուշեղ Պետոյանի, Ալբերտ Երիցյանի անունները: Այսպես` Երևանի թիվ 1 ընտրատարածքում, որն ընդգրկում է Ավան, Նոր Նորք և Քանաքեռ-Զեյթուն վարչական շրջանները, ՀՀԿ-ն ռեյտինգային ընտրակարգով առաջադրել է 12 թեկնածու, որոնց թվում են ԴԱՀԿ նախկին պետ Միհրան Պողոսյանը, քաղաքապետ Տարոն Մարգարյանի աներձագը` Ռոբերտ Սարգսյանը:

թիվ 2 ընտրատարծքում` Արաբկիր, Աջափնյակ և Դավթաշեն վարչական շրջաններում կառաջադրվեն պատգամավորներ Արտակ Սարգսյանը (ՍԱՍ-ի Արտակ), ԱԺ նախագահ Գալուստ Սահակյանի որդին` Արման Սահակյանը, Ոստիկանապետ Վովա Գասպարյանի փեսան` Արթուր Գևորգյանը: Թիվ 3 ընտրատարածքում, որն ընդգրկում է Մալաթիա - Սեբաստիա, Շենգավիթ վարչապան շրջանները, ՀՀԿ թեկնածուներ են լինելու Կորյուն Նահապետյանը, Արայիկ Հովհաննիսյանը, Սամվել Ալեքսանյանը:

Շիրակում կառաջադրվեն Արման Սահակյանը, Սուքիաս Ավետիսյանն ու Մարտուն Գրիգորյանը, Շիրակի նախկին մարզպետ Ֆելիքս Ցոլակյանը:

Տավուշում` Հակոբ Հակոբյանը, գործարար Գրիգոր Աղայանը:

Գեղարքունիքից առաջադրվողների թվում են լինելու մարզպետ Ռաֆիկ Գրիգորյանը, պատգամավորներ Հակոբ Հակոբյանը, Կարեն Բոթոյանը, նախկին պատգամավոր Տիգրան Արզաքանցյանը:

Կոտայքում ՀՀԿ-ն կառաջադրի բնապահպանության նախկին նախարար Արամ Հարությունյանի,
Արագածոտնում` Արագած Ախոյանի, Բազմասեր Առաքելյանի, Մնացական Մնացականյանի թեկնածությունները:

Արմավիրում ՀՀԿ-ն կառաջադրի գեներալ Սեյրան Սարոյանի, Հրանտ Գրիգորյանի, Նահապետ Գևորգյանի, Ալեքսան Պետրոսյանի և Առաքել Մովսիսյանի թեկնածությունները:

Վայոց Ձորից ու Սյունիքից` Աշոտ Արսենյանը, Սունիքի մարզպետ Վահե Հակոբյանը:

Լոռիից առաջադրվողների թվում կլինեն ԱԺ պատգամավոր Կարեն Կարապետյանը, ՀՀԿ խմբակցության ղեկավար Վահրամ Բաղդասարյանը:

Արարատից կառաջադրվեն պատգամավոր Արայիկ Գրիգորյանը, ոստիկանության նախկին պետ Ալիկ Սարգսյանը, պատգամավոր Մուրադ Մուրադյանը:

Ըստ Շարմազանովի՝ մարզեր կան, որտեղ ՀՀԿ-ն կունենա 13 թեկնածու, որոշ մարզերում էլ՝ 7-8:

Էդուարդ Շարմազանովի խոսքով` իրենց վարկանիշային ցուցակն ամենամրցունակն է, իսկ մնացածը կորոշի հանրությունը իր քվեարկությամբ:

Աղբյուր` Փաստինֆո