Փաստ ինֆո

Կառավարությունը գնումների մասին օրենքում կատարեց փոխություն, որի նպատակն է հավասար պայմաններ ստեղծել գնումների գործընթացում մասնակից տնտեսավարողների համար։

Գործադիրի նիստում ՀՀ ֆինանսների նախարար Վարդան Արամյանը նշեց, որ փոփոխությամբ մինչև 70 միլիոն գնումների դեպքում ԵԱՏՄ արտադրության ապրանքների մատակարարման դեպքում այլևս չի կիրառվի մինչև 15 տոկոս գնային նախապատվությունը (մինչ այս նախապատվություն էր տրվում ԵԱՏՄ արտադրանքին, եթե դրանք անգամ 15 տոկոսով թանկ էին):

«Գնային նախապատվությունը հանելը ճիշտ մոտեցում է մի քանի փաստարկներով: Ամբողջ աշխարհի փորձը փաստում է, որ գնային նախապատվություն տալը ճիշտ գործիք չէ, այդպիսով տեղական արտադրությունը հնարավոր չի լինի խթանել», - «Արմենպրես»-ի հաղորդմամբ, ասաց Արամյանը:

Պետք է հաշվի առնել նաև այն իրավիճակը, որ ՀՀ-ն ԵԱՏՄանդամ երկիր է և ԵԱՏՄ պայմանական պարտավորություններն այնպիսին են, որ հնարավոր չէ բացառապես ընտրել տեղական արտադրողին:

«Այդ 15 տոկոսից պետք է օգտվեն նաև բելառուսական, ղազախական, ղրղզական արտադրողները», - ասաց Վարդան Արամյանը։

Ֆինանսների նախարարի խոսքով՝ խնդիրներից մեկն էլ այն էր, որ այդ արտոնությունը բարդություն էր ստեղծում տնտեսվարողների համար, տնտեսվարողը պետք է հիմնավորի, թե տվյալ ապրանքը որ երկրում է արտադրվել:

Աղբյուր` Փաստինֆո