Փաստ ինֆո

Չինաստանի բնակիչը վաճառել է սիրուհուց ծնված իր որդուն՝ իր օրինական կնոջ պարտքը վճարելու համար: Այս մասին գրում է Sina պորտալը:

34-ամյա տղամարդը օրինական ամուսնությունից արդեն իսկ որդի ուներ, ընտանիքը հաջողակ բիզնես ուներ, սակայն երկու տարի անց՝ 2014թ., տղամարդը սիրուհուց էլ ևս մեկ որդի էր ունեցել:

Հետագայում Չենը խնդիրների պատճառով հարկադրված է եղել փակել իր խանութներից շատերը, և ընտանիքը պարտքեր էր կուտակել: Դժվարին ֆինանսական վիճակի պատճառով նա պատրաստվում էր որդեգրման հանձնել սիրուհուց ծնված որդուն, քանի որ չէր կարողանում նրան պահել, սակայն կինը հրաժարվել է:

2016թ. հոկտեմբերին նրա օրինական կինը ինքնասպանության փորձ էր կատարել ընտանիքի պարտքերը վերադարձնելու բազմաթիվ անգամ արված խնդրանքներից հետո: Այդ ժամանակ տղամարդը ինտերնետի միջոցով 6,5 հազար դոլարով վաճառել էր սիրուհուց ծնված որդուն: Այդ գումարից 3,4 հազար դոլարը նա կնոջն էր տվել՝ պարտքերը մարելու համար, մնացած գումարն իրեն էր պահել:

Ավելի ուշ ոստիկանությունը վերադարձրել էր վաճառված որդուն մորը, իսկ Չենը կանգնել էր դատարանի առաջ՝ երեխայի վաճառքի մեղադրանքով: Նա հայտարարել էր, որ օրինական կնոջից ծնված որդուն արտաամուսնական կապից ծնված որդուց շատ ավելի ուժգին է սիրում:

Երբ դատավորը այս շաբաթ դատական նիստում հարցրել է տղամարդուն, թե ի՞նչ կարող է ասել ոստիկանության կողմից իր որդուն մորը վերադարձնելու մասին, Չենը պատասխանել է. «Հիմա երեխան վերադարձել է: Ես միայն հույս ունեմ, որ նա լավ է ապրում»: Պորտալը չի հաղորդում, թե ստացե՞լ է, արդյոք, Չենը բանտարկության ժամկետ:

Աղբյուր` Փաստինֆո