Փաստ ինֆո

Չելյաբինսկի գաղութից «օրենքով» գող Էդուարդ Ասատրյանի անհետացումը կապված է ավելի շուտ հերթական էտապավորման և ոչ թե առևանգման հետ, ինչպես մինչ այդ պնդում էին նրա ազգականները:

Էդիկ Թբիլիսսկին գաղութից տեղափոխվել էր թիվ մեկ քննչական մեկուսարան: Ազդեցիկ գողի ազգականները պրակտիկորեն մեկ շաբաթ ոչինչ չգիտեին, թե որտեղ է գտնվում Ասատրյանը:

Ասատրյանի փաստաբան Մուշեղ Հայրապետյանին միայն հիմա է հաջողվել պարզել, որ իր պաշտպանյալին տեղափոխել են Չելյաբինսկի թիվ մեկ քննչական մեկուսարան, սակայն նրան տեղափոխության պատճառների մասին մինչև այժմ չեն հայտնում:

Մուշեղ Հայրապետյանը ասել է, որ իրեն հաջողվել է քննչական մեկուսարանում տեսակցել իր պաշտպանյալի հետ: Էդուարդ Ասատրյանի հետ ամեն ինչ կարգին է, նշել է փաստաբանը:

Հիշեցնենք, որ ներկայումս «օրենքով» գողը եռամյա ազատազրկում է կրում անօրինական կերպով թմրանյութեր պահելու համար:

2016թ. մայիսին նա Մոսկվա էր հասցվել Արխանգելսկի գաղութից նրա որդու՝ Սերգեյ Ասատրյանի (Սերյոժա-Բենթլի) դեմ հարուցված քրեական գործի շրջանակներում:

Նրա գործը քննող քննիչները կասկածել են, որ Ասատրյան ավագը մասնակցել է նաև գործարար Կարեն Մխիթարյանից $1,2 մլն-ի շորթմանը: Նման հեռանկարը Էդիկ Թբիլիսսկուն սպառնում է նոր, ավելի ծանրակշիռ ժամկետ: Մինչև Նոր տարին Էդուարդ Ասատրյանը տեղափոխվել էր Չելյաբինսկի գաղութ:

Աղբյուր` Փաստինֆո