Փաստ ինֆո

Ուժայինները սպասում են, որ 2017թ. կշարունակվի անցալ տարվա օգոստոսին սպանված «օրենքով» գող Ռովշան Ջանիևի («Ռովշան Լենքորանսկի») ժառանգությունն իրենց հսկողության տակ վերցնելու հավակնություններ ունեցող տարբեր հանցավոր խմբավորումների դիմակայությունը: Իսկ այնտեղ բաժանելու շատ բան կա. նրա ազդեցությունը տարածվում էր Ուրալից մինչև Եվրոպա:

Չեչենական «օրենքով» գող Աբու Դավթաևը (Աբու), ում վրա սկզբնապես ընկել էր Ջանիևի մտերիմ Համզաթ Գաստամիրովի (Շեյխ Համզաթ) վրա սպանության փորձի կազմակերպման կասկածը, երդվել է, որ որևէ առնչություն չունի տվյալ հանցագործությանը: Ըստ նրա, այդ ամենը սադրանք էր, որն ուղղված էր տարբեր կլանները պառակտելուն ու նրանց միավորումը թույլ չտալուն:

Հիշեցնենք, որ Ռովշան Լենքորանսկու զոհվելուց անմիջապես հետո տեղեկություն հայտնվեց այն մասին, որ Եվրոպայում նրա մերձավոր զինակից Շեյխ Համզաթը սկսել է միավորել չեչենական (որը և նա ներկայացնում է) և թուրքական կլանները:

Այդ ժամանակ ձերբակալվել էր Գաստամիրովի սպանության փորձի (որը տեղի էր ունեցել 2016թ. դեկտեմբերի 23-ին Նիդերլանդներում Staay Food Group Holding բանջարեղենի մեծածախ վաճառքի նրան պատկանող բազայում) երրորդ կասկածյալը:

Այն ժամանակ անհայտ անձինք՝ զինված երկու Glok ատրճանակով և խլացուցիչ ունեցող Կալաշնիկովի ինքնաձիգով, հարձակվել էին Շեյխ Համզաթի և նրա թիկնապահների վրա, սակայն վնասազերծվել էին ու փոխանցվել ոստիկանությանը: Նրանք էին՝ Չեչնիայի Ուրուս-Մարտանովյան շրջանի բնակիչ Հասան Զաքաևը և ծնունդով Ադրբեջանի Ջալիլաբադյան շրջանից Հուդրաթ Ալիևը: Երրորդ հանցակիցը չեչենցի Զաքաև Ումար Ահմադովիչն էր, ում բռնել էին լեհ-բելառուսական սահմանին:

Գաստամիրովի կյանքի սպառնալիքը պահպանվում է, քանի որ նրա թշնամիները միայն ավելանում են: Աղբյուրների տվյալներով, վերջերս Շեյխ Համզաթը Թուրքիայում հանդիպում է նշանակել «օրենքով» գող Թալիբխանլի Հաջիբաբա Թահիր օղլուն (Հաջի Բեյլագանսկի), ում հետ ցանկանում էր քննարկել նրա դեմ ադրբեջանական դիասպորայից եկող բողոքները, ինչպես նաև պարզել նրա դիրքորոշումն ու մեկ ճամբարին նրա նվիրվածությունը: Վերջին ժամանակներս սկսել են լուրեր հայտնվել Ռովշան Լենքորանկու սպանությանը Հաջի Բեյլագանսկու մասնակցության մասին: Առավել ևս, որ նա եղել է թուրքական ոստիկանության կողմից ձերբակալված կասկածյալներից մեկը (այլ չորսի թվում): Ճիշտ է, ավելի ուշ բոլորը ազատ էին արձակվել:

Սակայն, ինչպես պատմել են Ռուսաստանի իրավապահ մարմիններում՝ հղելով հանցավոր աշխարհի ներկայացուցիչներին, Ջանիևի սպանությունից անմիջապես հետո Հաջի Բեյլագանսկու մոտ սկսել են փողեր հայտնվել, և նա ինքը սահմանափակել էր իր տեղաշարժը: Եվ ահա Գաստամիրովի հետ հանդիպմանը նա չէր հայտնվել:

Միաժամանակ, «Պրեստուպնայա Ռոսիա»-ի տվյալներով, Շեյխ Համզաթի նշանակությունն ու հեղինակությունը հանցավոր միջավայրում խիստ չափազանցվում է, և ռեալ ազդեցություն նա չունի:

Ավելի իրական է երևում այլ ադրբեջանական «օրենքով» գող Նադիր Սալիֆովի (Գուլի) նշանակության աճը: Ավելի վաղ «Պրեստուպնայա Ռոսիա»-ն հաղորդում էր, որ նրա ձեռքի տակ գտնվողները իսկական արյունոտ հավեհարդար էին տեսել օրենքով գող Ռաֆիկ Էյվազովի նկատմամբ (Ռաֆիկ Մասալլինսկի): «Օրինական»-ի ծեծը՝ ուղեկցված նրա մարմնի մասը կտրելով, տեղի է ունեցել դեկտեմբերին, Թուրքիայում, իսկ հունվարի սկզբին Բաքվում երկու խմբավորումների միջև փոխհրաձգություն էր տեղի ունեցել:

Ինքը՝ Սալիֆովն, իր փաստաբան Տարանա Ալիևի միջոցով հայտարարել է Էյվազովի հետ ռազբորկաներին առնչություն չունենալու մասին:

Ինչպես պատմել է «Մատրոսկայա տիշինա»-ի կալանավորներից մեկը, որն իր անունը չնշելու ցանկություն է հայտնել, այն փոխհրաձգությանը մասնակցել են նաև Ղուրբանով Վուգար Վագիֆ օղլու մարդիկ՝ նա հայտնի է որպես Վուգար Ւտալացի, ով վաղեմի կոնֆլիկտ ուներ Սալիֆովի հետ՝ կասկած հայտնելով նրա գողական կարգավիճակի վերաբերյալ: Ինքը՝ Վուգար Իտալացին, նույնպես մտերիմ էր Ռովշան Լենքորանսկու հետ, նրան ճանաչելով դեռևս դպրոցից:

Միաժամանակ չնայած իր բանտարկությանը (Սալիֆովը երկարաժամկետ բանտարկություն է կրում Ադրբեջանում հատուկ ռեժիմի գաղութում), նա ավելացնում է իր ազդեցությունը:
Ով «կգլխավորի» Սվերդլովսկի շրջանում վեճերի ալիքի վրա այնտեղ վերջին տվյալներով գնացել են նրա մարդիկ, որոնք ստացել են ադրբեջանական դիասպորայից շատ խոշոր հեղինակավոր ձեռնարկատերերի աջակցությունը: Նրա հետաքրքրությունը կենտրոնացած է նաև Եկատերինբուրգում գտնվող տխրահռչակ բանջարեղանային թիվ 4 բազայի վրա:
Մինչև Ռովշան Լենքորանսկու մահն այն նրան հսկայական եկամուտներ էր բերում հաշվի առնելով, որ կանաչու շուկայի ծավալը կազմում էր հարյուրավոր հազար դոլարներ:

Նշենք, որ ավելի վաղ տարածաշրջանի «նայողի» տեղը պլանավորում էր զբաղեցնել տեղական հեղինակություն Աղայար Աղաևը (Սեդոյ), ով գրավել էր Ռովշան Լենքորանսկու թեկնածուի դիրքը: Իր ներկայացուցիչներին առաջ էր մղում նաև «օրենքով» գող Շաքրո Մոլոդոյը՝ անցյալ տարվա ամռան վերջին տարածաշրջան ուղարկելով «օրենքով» գող Ավթանդիլ Քոբեշավիձեին (Ավտո): Հետագայում ադրբեջանական կոմերսանտների մի մասը կանգնեց նրա կողմում անգամ չնայած նրան, որ նա պատկանում է Ռովշան Լենքորանսկու ընդդիմախոսների կլանին:

Աղբյուր` Փաստինֆո