Փաստ ինֆո

Բելառուսիայի իշխանությունները խորհուրդ են տվել «Դոնբասի հասարակական հեռուստատեսություն» ուկրաինական հեռուստաալիքի լրագրող Վիտալի Սիզովին հեռանալ Մինսկից՝ բացատրելով, որ նա ներառված է ռուսաստանյան «սև ցուցակների մեջ»:

Ինչպես հաղորդում է BBC-ի ռուսական ծառայությունը, Վիտալի Սիզովը ժամանել է Մինսկ՝ լուսաբանելու Եռակողմ կոնտակտային խմբի՝ Ուկրաինա-Ռուսաստան-ԵԱՀԿ, շրջանակներում Ուկրաինայի հարցով բանակցությունների հերթական ռաունդը:

Սիզովն ունի Բելառուսիայիում օտարերկրյա թղթակիցների աշխատանքի համար անհրաժեշտ բելառուսական ԱԳՆ-ի հավատարմագրում:

«Այսօր տեղական ժամանակով ժամը երկուսի մոտ Մինսկի հյուրանոցից միլիցիայի աշխատակիցները ինձ վերցրել ու տարել են Կենտրոնական շրջանային բաժին, որտեղ ես գտնվել եմ մինչև ժամը 06:00-ը: Այստեղ ինձ պատմել են, որ Ռուսաստանյան Դաշնությունն արգելել է իմ մուտքը իր տարածք մինչև 2021թ.» ,- գրել է Սիզովն Ֆեյսբուքի իր էջում:

«Բելառուսն ու ՌԴ-ն միութենական պետություն են, այդ պատճառով մուտքի արգելքը լռելու պարագայում տարածվում է նաև Բելառուսի վրա (փաստորեն ընդհանուր արտաքին սահման է, հատելով Բելառուսի սահմանը, փաստացի հատում ես նաև ՌԴ սահմանը): Շրջանային բաժնում ինձ մի քանի անգամ կրկնեցին, որ մուտքի արգելքը Ռուսաստանի նախաձեռնությունն է, որին Բելառուսն առնչություն չունի, դրա համար արգելքի պատճառներն իմանալ ես չկարողացա: Ինձ խորհուրդ տվեցին լքել Բելառուսը 24 ժամվա ընթացքում, ինչն ես առանց այդ էլ ծրագրում էի անել: Շնորհակալություն ուկրաինական հյուպատոսությանն ու դեսպանությանը օպերատիվ արձագանքի և օգնության համար»,- գրել է լրագրողը:

Մինսկում ուկրաինական դեսպանության տեղեկատվության համաձայն, Վիտալի Սիզովը ծրագրում է մնալ բելառուսական մայրաքաղաքում` մինչև Եռակողմ կոնտակտային խմբի հերթական նիստի արդյունքների հրապարակումը:

Աղբյուր` Փաստինֆո