Փաստ ինֆո

Արմավիրի բժշկական կենտրոնից Երևան տեղափոխված և մեկ օր անց մահացած նորածին մահվան դեպքով չնայած նրան, որ հարազատները Արմավիր ԲԿ-ի բժիշկ Նշան Գևորգյանի մեղավորությունն են տեսնում՝ Ոստիկանությունում հաղորդում չեն ներկայացրել:

ՀՀ ոստիկանության հասարակայնության հետ կապերի և լրատվության վարչությունից «Փաստինֆո»-ին հայտնեցին, որ դեպքի վերաբերյալ հարազատների կողմից հաղորդում չի ստացվել:

Սակայն նշեք, որ նորածնի հարազատները լրատվամիջոցներին հայտնել են, որ հունվարի 26-ին ծննդկանին տեղափոխել են Արմավիր ԲԿ և բժիշկ Նշան Գևորգյանը նրանց վստահեցրել է, որ ամեն ինչ նորմալ է և կինը իր ուժերով կծննդաբերի, սակայն ավելի ուշ ասել է, թե ծանր ծննդաբերություն է սպասվում և նրանց կարծիքն անգամ չի հարցրել ու վակումով ծննդօգնություն են ցուցաբերել, որից հետո հարազատներին տեղեկացրել են, որ երեխան մի քիչ պտղաջուր է կուլ տվել, բայց ամեն ինչ նորմալ է:

Հունվարի 27-ին էլ նորածնի հարազատներից արհեստական կեր են պահանջել և կերակրել երեխայի, սակայն ժամեր անց երեխայի վիճակը վատացել է և հունվարի 28-ին երեխային տեղափոխել են Երևանի Մուրացան հիվանդանոց, որտեղ և երեխան մահացել է:

Աղբյուր` Փաստինֆո