Փաստ ինֆո

Յոթ ոչ բարդ կանոններ, որոնք կօգնեն ազատվել «ավելորդ» տարիներից։ Ավելի երիտասարդ երևալու համար մենք մեծ փողեր ենք ծախսում կնճիռների դեմ կրեմների վրա, որոնք հաճախ բացարձակապես անօգուտ են դառնում, գրում է healthinfo.ua-ն:

Ժամանակակից մշակույթը սևեռված է արտաքինի ու երիտասարդության վրա: Գոյություն ունեն մեծ քանակով կնճիռների դեմ կրեմներ և պրոցեդուրաներ, որոնք բոլոր ցանկացողներին օգնում են մի երկու տարի «թոթափել»: Սակայն միշտ չէ, որ կարող են կատարել այն, ինչ խոստանում են պիտակի վրա, իսկ պլաստիկ վիրաբուժությունը ռուսական պտուտախաղ է  անկանխատեսելի ավարտով, բացի այդ այն շատ թանկ արժե:

 Դուք կարող եք ավելի երիտասարդ երևալ, սակայն դրա համար դուք պետք է այլ կերպ գործեք: Ահա իրենց տարիքից ավելի երիտասարդ երևացող  մարդկանց  յոթ շատ պարզ սովորությունները:

 1. Ծերացեք նրբագեղորեն

 Չկա ավելի վատ բան, քան նայել, թե ինչ-որ մեկը ինչպես է տենդագին կերպով փորձում դեռահաս երևալ այն դեպքում, որ մնացածները հրաշալի տեղյակ են նրա իրական տարիքի մասին:

 Պետք չէ փորձել ամբողջ ուժով ավելի երիտասարդ երևալ:  Դեռահասի հագուստ կրելն ու ագրեսիվ մակիյաժը հակառակ արդյունքն է տալիս և այլանդակում ձեզ:

Տարիքը կյանքում ամենակարևոր բանը չէ, կարևոր է ծերանալ նրբագեղորեն և սիրել ինքն իրեն: Այդպես դուք ավելի երիտասարդ կերևաք նույնիսկ չփորձելով դա անել:

 Եթե դուք դրական եք վերաբերվում ծերությանը և լիարժեք ապրում եք ձեր կյանքի ամեն մի փուլը, դուք ավելի երիտասարդ կերևաք այն մարդկանցից, ովքեր հիասթափված են ծերանալու պատճառով:

 2. Կերեք համեղ ուտելիք

 Լինել երիտասարդ չի նշանակում երիտասարդ երևալ: Դա նշանակում է ունենալ բաց ու երիտասարդ  բանականություն: Սինգապուրյան հետազոտողները պարզել են, որ հաճախ քարրի ուտող մարդիկ ավելի հազվադեպ են տառապում կոգնիտիվ խնդիրներով, քան նրանք, ովքեր դա չեն անում:

 Մեր ուղեղի կոգնիտիվ ունակությունները երիտասարդության կարևոր ասպեկտ է: Մտածելու և շրջակա աշխարհին արձագանքելու ձեր շարժուձևը նույնպես ձեզ ավելի երիտասարդ է դարձնում:

 Մտածեք այն մասին, որ ուղեղի համար անհրաժեշտ հավասարակշռված սննդակարգն օգնում է նրան ակտիվ ու առողջ պահել: Չէ որ ճիշտ սնունդը անհրաժեշտ է ոչ միայն մեր մարմնին, այլև մեր ուղեղին:

 3. Ընդունեք կյանքն ինչպես որ կա

 Իրենց տարիքից ավելի երիտասարդ երևացող մարդիկ, որպես կանոն, տոկունությամբ են տանում փորձությունները, որոնք նրանց կյանքն է ուղարկում: Եթե դուք սովորեք լավ հարմարվել հանգամանքներին, ապա կանեք առաջին քայլը ժամանակից շուտ կնճիռների դեմ պայքարում:

 Կյանքի պատահական հանգամանքները չեն որոշում, թե ով եք դուք: Ոչինչ դա չի կարող փոխել:  Կյանքի իրավիճակները ամեն ինչ փոխում են, որովհետև ոչինչ հավերժ չի տևում:

 Դադարեք չափազանց ուժեղ ապրումներ ունենալ մանրուքների պատճառով: Երբեմն խնդրին հումորով վերաբերվելը ամենալավ լուծումն է:

 4. Երգե՛ք

 Պետք չէ իդեալական ձայն ունենալ երգելու համար, դուք կարող եք պարզապես մեղեդիներին ձայնակցել, նույնիսկ փակ բերանով բառաչել:  Գիտականորեն հաստատված է, որ երգեցողությունը ձեզ ավելի երիտասարդ է դարձնում:

 Գիտնականները պարզել են, որ երգեցողությունը դրական է անդրադառնում ձեր շնչառության և սոցիալական հմտությունների վրա: Ինչո՞ւ հենց հիմա չգնալ կարաոկե և չերգել ընկերների հետ:

5. Ընտանի կենդանի պահեք

 Կենդանիները ունակ են անպայման սիրո և իրենք են հեշտությամբ սիրահարեցնում են իրենց: Երբ որ դուք ժամանակ եք անցկացնում սիրելի կենդանու հետ, դուք ձեզ շատ ավելի լավ եք զգում:

 Շան հետ զբոսանքները կամ կատվի հետ խաղերը դրական են ազդում ձեր ֆիզիկական վիճակի, սոցիալական ունակությունների ու ինքնազգացողության վրա:

 Բոլոր այդ գործոնները շատ կարևոր դեր են խաղում նրանում, թե ինչպես են ձեզ ընկալում շրջապատող մարդիկ:

6. Քնեք

 Իրենց տարիքից ավելի երիտասարդ երևացող մարդիկ գիտեն, թե որքան կարևոր է քունը մեր ուղեղի և ամբողջ օրգանիզմի ճիշտ աշխատանքի համար: Քնի փորձագետները հայտնաբերել են, որ եթե մենք քնում ենք չափից դուրս շատ կամ չափից դուրս քիչ, մենք ավելի շուտ ենք ծերանում:

 Չափից դուրս ջանքեր մի գործադրեք. ձեր օրգանիզմն ինքը գիտի, թե որքան է պետք իրեն քնել:  7-8 ժամ քնելը գիշերը և 15-20 րոպե հանգիստ օրվա երկրորդ կեսին բավարար է երիտասարդությունը պահպանելու համար:

 7. Օգտագործեք հոգևոր պրակտիկաներ

 Շատ հետազոտություններ ցույց են տալիս, որ աղոթքները, եկեղեցի այցելելը և ընդհանրապես հավատը կյանքին մի քանի տարի են ավելացնում: Բանն այն է, որ այնպիսի զգացումները, ինչպիսին դառնությունը, վիրավորանքն ու ուրիշների սխալները ներելու անընդունակ լինելը հանգեցնում են, որ մեր հոգին ավելի շուտ է ծերանում:

Երբ դուք տրվում եք տոքսիկ էմոցիաներին, բարձրացնում եք հիվանդությունների զարգացման ռիսկը: Սրտաբաց մարդիկ ապրում են ավելի երկար և լիովին վայելում են կյանքը: Հավատն ազատում է լարվածությունից և ավելորդ ապրումներից: Այն օգնում է մարդկանց ավելի երիտասարդ երևալ ու զգալ:

 Նշանակություն չունի, թե  ձեր կյանքը որ կրոնին եք որոշում  նվիրել, եթե այն կօգնի ձեզ դառնալ ավելի բարի, սրտում սեր արմատավորել և կօգնի ապրել խաղաղ, լիարժեք ու երջանիկ կյանքով:

Աղբյուր` Փաստինֆո