Փաստ ինֆո

Կաշառք ստանալու մեջ մեղադրվող Շենգավիթ վարչական շրջանի ընդհանուր իրավասության դատարանի դատավոր Իշխան Բարսեղյանի և փաստաբան Էլզա Զաքարյանի գործով նիստը այսօր հետաձգվեց. դատավոր Իշխան Բարսեղյանն առողջական խնդիրների պատճառով դատարան չէր ներկայացվել: 

Դատարանը, նախագահությամբ Կարեն Մարդանյանի, ներկաներին տեղեկացրեց, որ Քրեակատարողական հիմնարկից ստացված տեղեկանքի համաձայն, Իշխան Բարսեղյանի առողջական վիճակով պայմանավորված, նրան հնարավոր չի եղել ներկայացնել դատարան:

Հիշեցնենք, որ նախորդ դատական նիստը հետաձգվել էր այն պատճառով, որ գործով ամբաստանյալ Էլզա Զաքարյանը հրաժարվել էր իր պաշտպանից և խնդրել էր իրեն հանրային պաշտպան տրամադրել, սակայն այսօր դատարան ներկայացած հանրային պաշտպան Արմինե Ֆանյանի ծառայություններից ևս հրաժարվելով ամբաստանվող փաստաբանը հայտարարել է, որ ցանկանում է իր շահերը ներկայացնեն պայամանագրային հիմունքներով այլ փաստաբանները:

Ուստիև նրա շահերը ներկայացնելու համար ներգրավվեցին երեք փաստաբաններ:

Հիշեցնենք նաև, որ ամբաստանվող փաստաբան Էլզա Զաքարյանը գործով դեռևս նախաքննության փուլից սկսած մինչ այս պահը երեք փաստաբաններից է հրաժարվել՝ սկզբում հրաժարվել էր հանրային պաշտպանի գրասենյակի փաստաբան Լյուդվիգ Ավետիսյանից, ապա դատարանում գործով առաջին դատական նիստում հրաժարվեց փաստաբան Գևորգ Շիրինյանի ծառայություններից, իսկ այսօր արդեն իր իսկ խնդրանքով իրեն տրամադրված հանրային պաշտպանի ծառայություններից:

Ինչև՝ Իշխան Բարսեղյանի բացակայության պայմաններում գործի քննությունն հետաձգվեց և նշանակվեց փետրվարի 3-ին:

Նիստից հետ լրագրողների հետ ճեպազրույցում Իշխան Բարսեղյանի պաշտպան Վարդուհի Էլբակյանը տեղեկացրեց, որ իր պաշտպանյալ Իշխան Բարսեղյանը բերանի խոռոչի վիրահության է ենթարկվել այդ պատճառով է, որ նա չի կարողացել ներկայանալ նիստին:

Ըստ պաշտպանի՝ Բարսեղյանի ձերբակալության ժամանակ անհապատասխան ուժ է կիրառվել նրա նկատմամբ , ինչի հետևանքով նրա ատամնաշարն ամողջությամբ վնասվել է:

Լուսանկարը՝ Ա1+ -ի

Աղբյուր` Փաստինֆո