Փաստ ինֆո

Սթրեսի ազդեցությունը գլխուղեղի որոշակի մասի՝ ամիգդալայի, վրա, բացատրում է սրտային նոպայի բարձր ռիսկը: Ամիգդալան (corpus amygdaloideum) առաջինն է արձագանքում ցանկացած նյարդային լարվածությանը: The Lancet ամսագրում հրապարակված հետազոտություններն ապացուցում են, որ սթրեսից հետո սիրտը գտնվում է ոչ ավելի լավ վիճակում, քան հիպերտոնիայի ժամանակ ու ծխելուց հետո, գրում է likar.info-ն:

Առաջին հետազոտությանը մասնակցել է 300 մարդ: Ամիգդալայի բարձր ակտիվությամբ մարդիկ ավելի հակված են եղել սրտանոթային հիվանդությունների զարգացմանը, քան մյուսները: Նրանց մոտ սրտի հետ խնդիրներ տեղի էին ունենում նաև շատ ավելի վաղ:

Իրականում կապը էմոցիոնալ սթրեսի և սրտանոթային հիվանդությունների միջև վաղուց էր ապացուցվել, սակայն այդ երևույթի մեխանիզմը ճիշտ չէր ընկալվել: Հարվարդի բժշկական դպրոցի թիմի գիտնականների կողմից անցկացված փորձարարությունը ամբողջությամբ պարզություն է մտցնում: Երբ ամիգդալան՝ ուղեղի հատվածը, որը էմոցիաներ է մշակում այնպիսիք, ինչպիսին վախն ու զայրույթն են, գերլարվում է, ազդանշաններ է փոխանցում ոսկրածուծին:

Այն արտադրում է սպիտակ արյունային մարմնիկների լրացուցիչ քանակ, որոնք, իրենց հերթին, բացասաբար են ազդում զարկերակների վրա և հանգեցնում դրանցում բորբոքումների: Այս ամենը մարդուն դանդաղորեն տանում է դեպի սրտային նոպաներ, ստենոկարդիա և ինսուլտ:

The Lancet ամսագրի նույն հոդվածում խմբագիրները ներառել են Հարվարդի դպրոցի ևս մեկ ոչ մեծ հետազոտություն: Գիտնականները պարզել են, որ օրգանիզմում ավելի շատ բորբոքային պրոցեսներ լինում էին 13 հիվանդներից հենց նրանց մոտ, ովքեր ավելի հաճախ էին սթրես տանում:

Փորձագետները սրտանոթային հիվանդությունների ռիսկի խմբերի հիվանդներին խորհուրդ են տալիս սովորել պայքարել սթրեսի դեմ:

Աղբյուր` Փաստինֆո