Փաստ ինֆո

Բրիտանական «Sky Sports»-ի փորձագետ Ջեյմի Ռեդնափը բարձր է գնահատել Հայաստանի հավաքականի ավագ Հենրիխ Մխիթարյանի դերը «Մանչեսթեր Յունայթեդի» վերջին հաջողությունների գործում: Այս մասին հայտնում է Armsport.am-ը:

«Մխիթարյանը «Մանչեսթեր Յունայթեդին» նոր որակ է հաղորդել: 9 անընդմեջ հաղթանակներից հետո թվում է, որ մանչեսթերցիները փոխել են մարզավիճակը: Մինչև դա Մոուրինյուն իսկապես դժբախտ մարդու տեսք ուներ, և սկսել էի անհանգստանալ նրանց համար, սակայն վերջին շաբաթներում նա ձևափոխվել է: Հենրիխ Մխիթարյանը մեծ ավանդ ունի այդ գործում:

Նա ծանր մեկնարկեց, սակայն վերադառնանք «Տոտենհեմի» հետ հանդիպմանը: Կարծում էի, որ լոնդոնցիները հեշտությամբ կկարողանան ոչ-ոքի խաղալ, սակայն Մխիթարյանը մտավ թիմ և բարելավեց այն: Նա որակ հաղորդեց և արտակարգ գոլ խփեց:

Յուրաքանչյուրն իր կարծքն ունի, և Ջեյմի Կարագերն ասել է այդ ժամանակ, որ դա Մոուրինյուի կողմից լավ քայլ էր Մխիթարյանին պահելը, սակայն լրիվ հակառակն եմ զգում: Կարծում եմ, որ դա ցուցադրում է, թե ինչ դիրքում նրանք կարող էին լինել, եթե Հենրիխը խաղար:

«Մանչեսթեր Յունայթեդը» 7 հաղթանակ է տարել դրանից հետո, և կարող եք տեսնել, թե ինչպես են Պոլ Պոգբան և Զլատան Իբրահիմովիչը վայելում նրա հետ խաղալը: Լավ է երկու համաշխարհային մակարդակի ֆուտբոլիստ ունենալը, սակայն եթե ունես ևս մեկին, ապա դա թուլացնում է նրանց վրա գործադրվող ճնշումը:

Արդյունքում Մոուրինյուի պահվածքը փոխվել է: Երբ մարզիչը վատ տրամադրություն ունի և բավարարված չէ, ապա հանդերձարանը գտնվելու լավագույն տեղը չէ: Այժմ նրա տրամադրությունը լավ է: Դա փոխանցվում է թիմին, և Մխիթարյանը մեծ դերակատարություն ունի այդ հարցում:

«Լիվերպուլը» լավ վիճակագրություն ունի Պրեմիեր լիգայի մեծ ակումբների հետ արտագնա խաղերում, սակայն «Մանչեսթեր Յունայթեդն» իր ասելիքն ունի: Մխիթարյանի, Պոգբայի և Իբրահիմովիչի նման հիանալի մարզավիճակի պարագայում, կարծում եմ նրանք կարող են հաղթել»,- ասել է Ռեդնափը:

Աղբյուր` Փաստինֆո