Փաստ ինֆո

Ռուսաստանյան ուղևորատար օդանավը, որը Սախալինից Կուրիլներ էր ուղղվում, անցած գիշեր շտապ ավելի ցած է իջեցվել՝ խուսափելու համար օտարերկրյա, ենթադրաբար, ռազմական ինքնաթիռի հետ բախվելուց: Այս մասին INTERFAX-ին հայտնել է ուժային կառույցներում աղբյուրը:

«Ռուսաստանյան ուղևորատար Bombardier ինքնաթիռը անցած գիշեր Սախալինից թռիչք է սկսել և հասնելով 6 հազար մետր բարձրության՝ ուղղվել է դեպի Կուրիլներ: Սակայն դիսպետչերները նկատել են օդանավին նույն բարձրության վրա մոտեցող, չտարբերակված ինքնաթիռին, որը չէր պատասխանում հարցումներին», - պատմել է նա:

Գործակալության զրուցակիցը հաղորդել է, որ չտարբերակված օդանավը անթույլատրելի կերպով հատում էր օդային միջանցքը, որով շարժվում էր ուղևորատար ինքնաթիռը:

«Որոշում էր ընդունվել ուղևորատար ինքնաթիռը շտապ ավելի ցած իջեցնել՝ խուսափելու համար վտանգավոր մերձենալուց կամ ընդհանրապես օդում բախվելուց», - ասել է աղբյուրը: Նա հայտնել է, որ հետագայում դիսպետչերները բազմիցս փորձել են կապվել չտարբերակված ինքնաթիռի հետ, սակայն օդաչուները կապի մեջ չեն մտել:

Հաջողվել է միայն գրանցել չտարբերակված ինքնաթիռի ռադիոլոկացիոն պատասխանիչի ազդանշանը: Միջազգային կլասիֆիկացիայի համաձայն, այն պատկանում է ՆԱՏՕ-ի բլոկի օդանավերին, ասել է աղբյուրը:

Ինտերֆաքսն առայժմ չի տիրապետում այդ տեղեկատվության պաշտոնական հաստատմանը:

Աղբյուր` Փաստինֆո