Փաստ ինֆո

Մարսողության համակարգում հայտնաբերվել է նոր օրգան՝ միջընդերքը:  Այս մասին հաղորդում է The Lancet Gastroenterology & Hepatology գիտական ամսագիրը, տեղեկացնում է hromadske.ua-ն:

Ավելի վաղ գիտնականները գտնում էին, որ միջընդերքը կազմված է առանձին և տարբեր տիպի ֆրագմենտներից և չի համարվում առանձին օրգան:

Միջընդերքը իրենից ներկայացնում է որովայնի թաղանթի կրկնակի ծալք, որը պատում է որովայնի պատերը և օրգանները պարուրում դրա մեջ:

Ծալքը ամրացնում է բարակ աղին որովայնին և պահում ամեն ինչ մի տեղում:

Այլ գիտնականների կողմից ռեցենզիայի ու գնահատման ենթարկված աշխատության մեջ նշվում է, որ մարդու մարմնում կա օրգան, որը նախկինում օրգան չէր համարվում, ասում է Իռլանդիայի Լիվերիկ համալսարանական հոսպիտալի հետազոտող, գիտական հոդվածի հեղինակ Ջ. Քելվին Քոֆֆին:

Ըստ նրա, նոր հայտնագործությունը պետք է օգնի որովայնի օրգանների հիվանդությունների հետազոտություններին, չէ՞ որ հիմա մարսողական համակարգի հիվանդությունները հնարավոր կլինի դասակարգել այս օրգանի տեսանկյունից:

Նոր օրգանն արդեն ուսանող-բժիշկների դասագրքերում են ներառում, գրում է ScienceAlert-ը, դա նշանակում է, որ այսուհետ մարդու մարմնում պաշտոնապես կա 79 օրգան:

Հիշեցնենք, որ մի քանի տարի առաջ հետազոտողները հայտնաբերել էին նախկինում անհայտ շերտ, որը թաքնված էր մարդու աչքում: «Դուայի շերտ» անվանումը ստացած օրգանը շատ բարակ, բայց կոշտ գոյացություն է, որի հաստությունը կազմում է ընդամենը 15 միկրոն (1 միկրոնը = 0,0000001 մետրի):

Աղբյուր` Փաստինֆո