Փաստ ինֆո

Անցած տարին այնքան էլ հաջող մեկնարկ չունեցավ. եղան մարդկային կորուստներ: Տարեվերջին էլ ոչ մի լավ բան չէր սպասվում և իզուր: lenta.run-ն առանձնացրել է 2016թ. մի քանի պոզիտիվ լուսանկար և հիշել տարվա լուսավոր պահերը: Մարդիկ շարունակում են բարի գործեր կատարել և սիրել:

Ռիո դե Ժանեյրոյում կայացած օլիմպիական խաղերի ժամանակ չինացի սպորտսմենուհի, արծաթե մեդալակիր Հե Ցզիին ամուսնության առաջարկ արեց ցատկորդ Ցին Կայը՝ հենց մեդալի հանձնման արարողության ժամանակ: Նա ծնկի եկավ աղջկա առջև, պարզեց ամուսնական մատանին և բազմահազար հանդիսատեսի ներկայությամբ ամուսնության առաջարկ արեց սպորտսմենուհուն: Վերջինս համաձայնեց:

Հրշեջ ծառայության փոխգնդապետը հյուրասիրում է կատվի ձագին, որին փրկել էր Կալիֆորնիայի Լեյք շրջանի անտառային հրդեհի ժամանակ: Այդ ժամանակ հրդեհը ոչնչացրել էր մոտ 300 տուն:

Բարեսիրտ ավստրալացին հովացնում է ամռան տապից թուլացած կոալային:

Գարնանը Պրահայի կենդանաբանական այգում, 82 տարվա պատմության ընթացքում, ծնվեց փղիկ: Այս լուսանկարում նա ընդամենը 3 օրական է:

Սեպտեմբերի 25-ին մեծ Բրիտանիայի՝ մոտ 500 բնակիչ մերկ լողացել են Հյուսիսային ծովի սառցե ջրերում: Արդեն 5-րդ տարին է, որ նուդիստների համար այս լոգանքը կազմակերպվում է Դրերիջ ծոցում: Այս ժամանակահատվածում նրանց օգնությամբ արդեն հավաքվել է 12 հազար ֆունտ ստերլինգ, որն ուղղվել է բարեգործությանը:

Համբուրգի կենդանաբանական այգու էգ առյուծը փորձում է բացել սուրբծննդյան նվերները: 

Կանադացի պարօլիմպիական խաղերի մարզիկ Ադամ Լանչան Ռիո դե Ժանեյրոյում կայացած պարօլիմպիական խաղերի ժամանակ փորձում է մխիթարել կնոջը՝ Ջեյմի Ջուելզին, սայլակներով բասկետբոլի խաղից հետո, որի ժամանակ նրա թիմը պարտվել էր Չինաստանի թիմին:

Ընձուղտի 6 օրական ձագը, որը ծնվել է Ֆրանսիայի Լա Ֆլեշ քաղաքի կենդանաբանական այգում,  համբուրում է մորը՝ Դիանիին:

Ռիո դե Ժանեյրոյի պարօլիմպիական խաղերի մասնակից, չինացի Չժիցյան Չժուն թռիչքից առաջ դեն է նետում հենակները:

Շոտլանդիայի Էդինբուրգ քաղաքի բնակիչները զբոսնում են ամանորյա տոնածառերի լաբիրինթոսում:

Աղբյուր` Փաստինֆո