Փաստ ինֆո

Երևանի Ավան և Նոր-Նորք վարչական շրջանների ընդհանուր իրավասության դատարանը՝ դատավոր Դավիթ Հարությունյանի նախագահությամբ, այսօր անպարտ է ճանաչել և արդարացվել է ՀՀ ֆինանսների նախարարության 3 աշխատակցի:

Ըստ մեղադրանքի՝ ՀՀ ֆինանսների նախարարության Նոր Նորքի հարկային տեսչության աշխատակիցներ Սմբատ Խաչիկյանը, Գագիկ Մարգարյանը և Հաբեթ Վարդանյանը ՀՀ ֆիննախարարի 2014թ. սեպտեմբերի 26-ի թիվ 5100487 հանձնարարագրի հիման վրա նույն թ. հոկտեմբերի 22-ին Ա/Ձ Տաթևիկ Հարությունյանին պատկանող Երևան քաղաքի Սաֆարյան 77 հասցեում գործող դեղատանը իրականացրած ՀԴՄ շահագործման կանոնների կիրառման ճշտության ստուգման ընթացքում նախնական համաձայնությամբ սեփական աշխատանքում առկա թերություններն ու բացթողումները թաքցնելու, տուգանքի առաջադրման շինծու հիմքեր ստեղծելու շահագրգռվածությունից ելնելով, կատարել են պաշտոնական կեղծիք՝ առանց փաստացի հսկիչ գնում կատարելու միասնական դիտավորությամբ կազմել և հարկային գործին կցելով, ինչպես նաև Տաթևիկ Հարությունյանին տրամադրելով, հանձնել են պաշտոնական փաստաթուղթ հանդիսացող թիվ 5100487 ստուգման ակտի կեղծ նախագիծը 2 օրինակից, իսկ հետագայում ստուգման կեղծ ակտը՝ դարձյալ 2 օրինակից ՝ իբր Տ. Հարությունյանից հսկիչ գնում կատարելու և այդ ընթացքում վերջինիս կողմից իրացված ապրանքի համար ՀԴՄ կտրոն չտրամադրելու իրավախախտման համար 300.000 ՀՀ դրամի տուգանք առաջադրելու մասին:

Բացի այդ, նրանք անցնելով իրենց պաշտոնեական լիազորությունները, առանց «Հսկիչ-դրամարկղային մեքենաների կիրառման մասին» ՀՀ օրենքի 11 հոդ. 2-րդ կետով նախատեսված հատուկ պայմանի՝ էական վնաս են պատճառել Տ.Հարությունյանի իրավունքներին:

Սմբատ Խաչիկյանին, Գագիկ Մարգարյանին և Հաբեթ Վարդանյանին մեղադրանք էր առաջադրվել ՀՀ քրեական օրենսգրքի 309-րդ և 314-րդ հոդվածների 1-ին մասերով, նրանց նկատմամբ որպես խափանման միջոց էր ընտրվել չհեռանալու մասին ստորագրությունը:

Ամբաստանյալների պաշտպանությունն իրականացրել է փաստաբան Տիգրան Աթանեսյանը:

Աղբյուր` Փաստինֆո