Փաստ ինֆո

Ավելի վաղ Բաշկիրիայի գաղութից ազատված քրեական հեղինակություն Հակոբ Մելիքսեթյանը (Կյաժ Հակոբը) ձերբակալվել է ՆԳՆ աշխատակիցների կողմից՝ Պատիժների իրականացման դաշնային ծառայության սպեցնազի աջակցությամբ:

Հակոբ Ռիժի մականվամբ հայտնի Մելիքսեթյանը 2011թ. հոկտեմբերին դատարանի կողմից դատապարտվել էր 17 տարվա ազատազրկման շորթման ու մարդու առևանգման համար:

Սակայն հետո, 2016թ. հուլիսի 16-ին քրեական հեղինակությանը ազատ էին արձակել «առողջական վիճակի հետ կապված» ձևակերպմամբ:

Քննության տվյալներով, 2009թ. Հակոբ Ռիժին կազմակերպել էր գործարար Յուրիկ Աբրամյանի առևանգումը:

Առևանգիչների դերում հանդես էին եկել ՆԳՆ էլիտար «Զուբր» հատուկ ստորաբաժանման մարտիկներ՝ երկու դասակի հրամանատարի տեղակալ, ՆԳՆ կազմակերպված հանցավորության ու ահաբեկչության դեմ պայքարի վարչության նախկին օպերատիվ աշխատող, որն ավելի ուշ տեղափոխվել էր «Զուբր» հատուկ ջոկատ, ինչպես նաև մեկ շարքային:

Օպերատիվ աշխատողների տվյալներով, հանցավորության ներկայացուցիչն ու ուժայինները համատեղ գործողությունների պլան էին մշակում: Քննությունը նաև եզրակացության է հանգել, որ «զուբրցիները» կայուն հանցավոր խմբավորում էին, որը պարբերաբար զբաղվում էր մարդկանց առևանգմամբ՝ փրկագին ստանակու նպատակով:

Աբրամյանի համար առևանգիչները պահանջել էին 6 մլն դոլար: Սակայն իրենց փողերին չէին հասել՝ 2009թ. հոկտեմբերին հատուկ գործողության ընթացքում պատանդն ազատ էր արձակվել, իսկ Հակոբ Մելիքսեթյանն ու «ուսադիրներով փոխակերպուկները», որոնք մասնակցել էին հանցագործությանը, ձերբակալվել:

2011թ. հոկտեմբերի 13-ին դատարանը Հակոբ Մելիքսեթյանին դատապարտել էր 17 տարվա ազատազրկման, մնացած մեղադրյալները 9-15 տարվա ազատազրկման ձևով պատիժ էին ստացել: Սակայն գաղութի փոխարեն հեղինակությունը հայտնվել էր մոսկովյան հիվանդանոցում՝ կրելով դատարանի նշանակած պատժի կեսից էլ քիչ ժամկետը:

Ի դեպ, Հակոբ Ռիժին ևս մեկ մականուն ունի՝ Կյաժ: Մեկ անգամ Կյաժն, ընդհակառակը, օգնել էր ազատել պատանդին, երբ «Զուբր»-ի սպեցնազայինները առևանգել էին ձեռնարկատեր Հրաչիկ Արոյանին: Վերջինիս մերձավորները դիմել էին Հակոբին, հեղինակությունը միջամտել էր, և գործարարին բաց էին թողել առանց որևէ փրկագնի:

Մելիքսեթյանը հարաբերություններ էր պաշտպանում հեղինակավորագույն օրենքով գող Դեդ Հասանի հետ: Նա նույնիսկ փորձում էր նրա միջոցով ազդել դատարանի վրա, սակայն չէր ստացվել:

Լուսանկարում` Հակոբ Մելիքսեթյանը` Դեդ Հասանի հետ

Աղբյուր` Փաստինֆո