Փաստ ինֆո

Երևանում կայացել է«Հայաստան-Իրան» գործարար համաժողովը, որը վերջին մեկ տարում չորրորդ խոշոր միջոցառումն է՝ ուղղված հայ-իրանական առևտրատնտեսական կապերի ամրապնդմանը։ Այն կազմակերպվել էր Իրանի Իսլամական Հանրապետության նախագահ Հասան Ռոհանիի՝ Հայաստանի Հանրապետություն պաշտոնականայցի շրջանակում, Հայաստանի զարգացման հիմնադրամի կողմից։

Համաժողովին մասնակցել է տնտեսության ամենատարբեր ոլորտները ներկայացնող ավելի քան 170 գործարար, որից շուրջ 90-ը ԻԻՀ-ից, այդ թվում՝ հայազգի ձեռներեցներ։

Երկուստեք ելույթներով հանդես են եկել հայ և իրանցի պաշտոնյաներ։ «Հայաստանի Հանրապետության համար Իրանի Իսլամական Հանրապետությունը ջերմ, բարեկամական երկիր է, և Հայաստանում միշտ մեծ հետաքրքրություն է եղել հնարավորինս զարգացնելու երկկողմ տնտեսական, առևտրային հարաբերությունները, որի համար կան մեծ նախադրյալներ։ Այդ ամենում կարևոր դերակատարում ունի նաև հայ համայնքը»,-ասել է ՀՀ տնտեսական զարգացման և ներդրումների նախարարի առաջին տեղակալ Գարեգին Մելքոնյանը։

ԻԻՀ առևտրաարդյունաբերական պալատի նախագահ Ղոլամհոսեյն Շաֆեին նշել է. «Հայաստանը կարող է շատ կարևոր հանգույց հանդիսանալ Իրանի և Եվրասիական տնտեսական միության միջև։ Մենք կարող ենք Հայաստանից ապրանք արտահանել ԵԱՏՄ առանց մաքսատուրքերի, բացի դրանից Հայաստանը կարող է կապող օղակ լինել Իրանի և եվրոպական շուկաների միջև»։

Հայաստանի զարգացման հիմնադրամի գործադիր տնօրեն Կարէն Մկրտիչեանը ներկայացրել էՀայաստանի ներդրումային միջավայրն ու հեռանկարային ոլորտները։Նա անդրադարձել է Հայաստանի աշխարհագրական դիրքին, բնակչության կազմին, կառավարման համակարգին, բացի այդ` տեղեկություններ է փոխանցել երկրի մուտքայինանցագրերի, հասանելիտրանսպորտի, հաղորդակցայինևէներգետիկենթակառուցվածքներիվերաբերյալ։«Հայաստանը պատմականորեն կամուրջ է հանդիսացել այլ մշակույթների ու տարածքների միջև։ Մակրոտնտեսական և ֆինանսական կայունությունը, դեպի խոշոր շուկաներ առանց մաքսատուրքերի և դյուրացված ռեժիմով ապրանքների շրջանառության հնարավորությունը, անընդհատ բարեփոխվող գործարար միջավայրը, ներդրումային դիվեսիֆիկացված ոլորտները, երիտասարդ կայացած և ոչ թանկ աշխատուժը մեր երկիրը դարձնում են գրավիչ ներդրումների տեսանկյունից»,-ասել է Կարէն Մկրտիչեանը։

Կայացել են երկուստեք գործարար հանդիպումներ (B2B), որոնց ընթացքում հայ և իրանցի գործարարները հնարավորություն ենունեցել հաստատելնոր կապեր, խորացնել առկա համագործակցությունն ու հանդես գալ համատեղ նախագծերով։

Համաժողովն իրենց ներկայությամբ պատվել են նաև ՀՀ նախագահ Սերժ Սարգսյանը և ԻԻՀ նախագահ Հասան Ռոհանին։Համաժողովի արդյունքները նախագահներին ներկայացրել է ՀՀ տնտեսական զարգացման և ներդրումների նախարար Սուրեն Կարայանը։

Հայաստանի ու Իրանի միջև առևտրատնտեսական կապերի դինամիկ զարգացման ուղղությամբ իրականացվում են ակնառու քայլեր, որի վկայությունն են վերջին մեկ տարում կազմակերպված մի շարք համատեղ միջոցառումները։ Մասնավորապես,2015 թվականի հոկտեմբերի 15-ին Երևանում հայ-իրանական գործարար համաժողովի անցկացումնԻԻՀ նախագահի առաջին տեղակալ Էսհաղ Ջահանգիրիի՝ Հայաստան այցի շրջանակում։ Հաջորդը Հայաստանի զարգացման հիմնադրամի և ԻԻՀ-ում Հայաստանի դեսպանության ջանքերով՝ 2015 թվականի նոյեմբերի 9-ին Թեհրանում տեղի ունեցած Հայաստան-Իրան գործարար համաժողովն է, որին ներկա է գտնվել պետական ու մասնավոր հատվածի մոտ 70 ներկայացուցիչ։ 2016 թվականի հոկտեմբերի 5-8-ն էլ Իրանի մայրաքաղաք Թեհրանումկայացել է «Armenia Expo 2016» հայկական արտադրանքի ու ծառայությունների խոշոր ցուցահանդեսը, որին ներկայացվել է 103 ընկերության արտադրանք։

Աղբյուր` Փաստինֆո