Փաստ ինֆո

Բեռնատարի ենթադրյալ վարորդը, որը բաբանահարել է ամբոխին՝ Բեռլինում ծննդյան տոնավաճառում, կարող էր հայտնի լինել գերմանական ոստիկանությանը: Այս մասին հաղորդում է տաբլոիդ Bild-ը:

Երկուշաբթի երեկոյան անհայտ անձը բեռնատարով մխրճվել էր Բեռլինի կենտրոնում ծննդյան տոնավաճառի այցելուների ամբոխի մեջ: Դրա հետևանքով զոհվել է 12 մարդ, ևս 48-ը վնասվածքներ են ստացել:

ԶԼՄ-ները հայտնել են, որ մեքենայի խցիկում երկու մարդ է եղել, որոնցից մեկը զոհվել է, մյուսը՝ կալանավորվել:

Ըստ Welt թերթի, ձերբակալվածը 23-ամյա պակիստանցի Նավեդ Բ.-ն է:

Bild-ի տվյալներով ևս, ձերբակալվածը Պակիստանի քաղաքացի է: Նա ժամանել է Գերմանիայի հարավ-արևելքում գտնվող Փասսաու քաղաք անցյալ տարվա դեկտեմբերի 31-ին:

Տաբլոիդը նշում է, որ տղամարդն արդեն իսկ հայտնված է եղել ոստիկանության տեսադաշտում մանր իրավախախտումների պատճառով:

Լեհաստանի ԱԳՆ-ում հաստատել են ԶԼՄ-ների տեղեկատվությունն առ այն, որ խցիկում հայտնաբերված զոհվածը լեհ էր: Հայտնի է, որ բետնատարի վրա լեհական համարներ են եղել:

Ինչպես ավելի վաղ հայտնել էին բեռլինյան ոստիկանությունում, քննիչները ելնում են նրանից, որ բեռնատարը դիտավորությամբ է ուղղվել դեպի ամբոխը: Տեղի ունեցածից հետո Բեռլինում խստացվել են անվտանգության միջոցները:

Աղբյուր` Փաստինֆո