Փաստ ինֆո

Եւս 13 օր եւ հրաժեշտ կտանք կապիկին` դիմավորելով կարմիր աքաղաղին: Այն համարվում է նոր օրվա, լույսի, համառության և բարի գործերի խորհրդանիշ։ Հետաքրքրասեր է, շփվող, սիիրում է ուշադրություն գրավել եւ հաղթել ցանկացած մարտում։ Աքաղաղը պրակտիկ է եւ ինչ-որ տեղ նաեւ հաշվենկատ, ուստի կարծիք կա, որ գալիք տարին լավագույնն է ճակատագրաան որոշումներ կայացնելու համար։

Չնայած իշխող բնավորությանը` Աքաղաղը չի հանդուրժում մենակությունը, ուստո 2017-ին կարելի է ավելի հաճախ ընկերներով մեծ ճանապարհորդություն, արշավներ կազմակերպել կամ ընտանեկան աղմկոտ հավաքույթներ։

2017 թվականի գույներն են կարմիրը, դեղինը, ոսկեգույնն ու նարնջագույնը, ուստի ամանորյա դեկորացիան, ինչպես նաեւ տոնական զգեստը պետք է ընտրել հենց այդ երանգների մեջ։ Տոնածառը զարդարելիս անպայման պետք է շեշտը դնել լույսերի, գունավոր շղթաների վրա։ Տարվա տարերքը կրակն է, ուստի տոնական սեղանը զարդարելիս նախապատվությունը տվեք մոմերին։ 2017-ի տոնական սեղանից ցանկալի է, որ բացակայեն թռչնամիսն ու դրանից պատրաստված զանազան ուտեստները։

Աքաղաղը չի սիրում էժանագին զարդեր, ուստի Նոր տարին ավելի լավ է դիմավորել ոսկյա կամ այլ թանկարժեք զարդերով։ Հագուստը նույնպես ցանկալի է, որ կարված լինի թանկ կտորներից։ Նախապատվությունը տվեք տարվա գույներին, ինչպես նաեւ՝ բնական երանգներին ու նախշերին։ Խուսափեք գիշատիչ կենդանիների նախշերով հագուստից, որպեսզի չվախեցնեք Աքաղաղին։ Դիմահարդարումը նույնպես պետք է լինի վառ։ Կարմր շրթներկը տեղին կլինի, ինչպես երբևէ։

Կարմիր կամ Կրակե Աքաղաղն իր իրավունքների մեջ է մտնելու 2017 թվականի հունվարի 28-ից՝ մինչև 2018 թվականի փետրվարի 16-ը։

Աղբյուր` Փաստինֆո