Փաստ ինֆո

ԽՍՀՄ-ում անցկացրած երիտասարդության մասին չափազանց քիչ բան է հայտնի, և ինքը՝ Գայդամակը, գերադասում է առանձնապես այդ մասին չընդարձակվել: Գաղտնիքի շղարշն այնքան հուսալի է քողարկել նրա կենսագրությունը մինչև 20 տարեկանը, որ մինչև այժմ հայտնի չէ նրա ծննդավայրը՝ Մոսկվա՞ն կամ ուկրաինական Բերդիչե՞վն է: 20 տարեկանում Գայդամակը լքել է ԽՍՀՄ- ը ու մեկնել Իսրայել, որտեղ երկար չի մնացել:

Հավաքագրվելով տանկերում՝ ժամանել է Մարսել նավահանգիստը, Արկադին, ավելի ճիշտ՝ Արիե Բար-Լևը, այդպես էր գրված նրա նոր իսրայելական անձնագրում, նավից փախել է ափ և գնացքով հասել Փարիզ: Ֆրանսիան դարձել է նրա իսկական հայրենիքը, իսկ ամենասիրելի հնչյունները՝ պետական օրհներգ Մարսելիեզի երաժշտությունը, որը Գայդամակի համար հաջողության մարմնավորումն էր:

1976թ. նա ստացավ երկար սպասված քաղաքացիությունը, թարգմանիչների ծառայություններ մատուցող ֆիրմա գրանցեց, այդ ժամանակ էլ նա կարողացավ շփումներ կարգավորել ԽՍՀՄ դիվանագիտական առաքելության հետ և սկսեց նրա կարիքները սպասարկել:

1982թ. Գայդամակը իր ֆիրմայի մասնաճյուղը բացեց Կանադայում, որտեղ նույնպես նրա ծառայությունների պատվիրատուները խորհրդային դիվանագիտական առաքելությունն ու առևտրական ներկայացուցչությունն էին:

Չար լեզուներն ասում են, որ նրա բիզնեսի ծաղկունքին մեծամասամբ օգնեցին նրա կապերը Ֆրանսիայում և Կանադայում ԿԳԲ-ի ռեզիդենտուրայի հետ կապերը:

Արկադի Գայդամակի ճակատագրում կտրուկ շրջադարձ տեղի ունեցավ 1992թ., նա սկսեց զբաղվել նավթի առևտրով: Խոշոր առևտրական գործողություններ նա սկսեց անցկացնել 1987թ.-ից, երբ դարձավ ԽՍՀՄ-ից Եվրոպա արտահանվող հումքային ռեսուրսների առևտրի միջնորդ: Այդ տարի նրա ոտքը հաստատուն մուտք գործեց աֆրիկական մայրցամաք, և նա շուտով դարձավ Անգոլայի քաղաքացի: Մինչև այժմ նա պաշտոնապես այդ երկրի ԱԳՆ խորհրդական և Մոսկվայում Անգոլայի դեսպանության հաստիքում է:

Իր ZIZ ֆիրմայի միջոցով Գայդամակը Սլովակիայում զենք էր գնում ու ուղարկում Արևելյան Աֆրիկա: Չսպասելով հնարավոր կալանավորմանը ու դատական հետապնդմանը, նա լքեց Փարիզը, հակադարձ երթուղով ուղղվելով դեպի Իսրայել: Նրա անձով հետաքրքրվեց Ինտերպոլը, սակայն իսրայելցիները հրաժարվեցին փախստականին հանձնել:

Ֆրանսիայում Գայդամակին դատապարտեցին 6 տարվա բանտարկության և շոշափելի տուգանքի: Դատավորների վրա չազդեց նաև այն տեղեկատվությունը, որ ամբաստանյալը տարիներ շարունակ ֆրանսիական հակահետախուզության գործակալ է եղել:

Աղբյուր` Փաստինֆո