Փաստ ինֆո

Մեկ տարի առաջ բանտից դուրս է ուկրաինական ամենահայտնի քիլլերներից մեկը՝ Եվգենի Իգնատկինը: Նա կրել է 15-ամյա բանտարկությունը, որը նշանակվել էր դատարանի կողմից դեռևս 2000-ականների սկզբին:

Եվգենի Իգնատկինը հայտնի է աղմկահարույց պատվերով սպանությունների շարքով, որոնք կատարվել էին նրա կողմից Դոնեցկի խմբավորություններից մեկի անդամ լինելու պարագայում:

Քիլլերը գործում էր, ի դեպ, ոչ միայն ի շահ իր զինակիցների, նա նաև փող էր աշխատում մրցակիցների կողմում՝ կատարելով հեղինակությունների նրբանկատ հանձնարարությունները: Այդ պատճառով էլ նրան բրիգադում որակել են որպես պղտոր մարդ:

Ապագա քիլլերը ծնվել է 1958թ. Լիպեցկի շրջանի գյուղերից մեկում: Դպրոցն ավարտելով և բացի հոկեյ խաղալուց ուրիշ առանձնապես ոչնչով հասակակիցների ֆոնի վրա չառանձնանալով, նա հայտնվել է Ֆիզկուլտուրայի մոսկովյան ինստիտուտում, որն ավարտելուց հետո տեղափոխվել է Ուկրաինա՝ Դոնեցկում բնակվող հարազատների մոտ: Այստեղ ազգականների օգնությամբ նա կարողացել է աշխատանքի տեղավորվել հոկեյի մանկական դպրոցում որպես մարզիչ, դասավանդել է բավականին լավ, այդ պատճառով էլ 1988թ. նրան հրավիրել են Ուժգորոդ՝ հոկեյի թիմ կազմելու համար:

Հենց այդ ժամանակ էլ երկրում սկսվել են նոր տնտեսական փոփոխությունները, որոնք ծնել են տարբեր հանցավոր խմբավորումներ և ռեկետ երևույթը:

Գործող մարզիկները՝ քրեականների հետ համահավասար, նետվել են՝ նվաճելու քրեական աշխարհը՝ իրար դուրս հրելով ինքնաձիգի կրակահերթերով: Այդ խելահեղ տարիներին շատ պահանջված էին ոչ միայն մարդիկ, ովքեր կարողանում էին աջ ու ձախ սառնասրտորեն սպանել, այլև նրանք, ովքեր կարողանում էին պրոֆեսիոնալ կերպով սպանել՝ առանց էմոցիաների և այդ հաշվով դատողությունների:

Իգնատկինին տեղական հեղինակությունները նկատել էին դեռևս Դոնեցկում՝ որպես իրենց բրիգադների անդամի թեկնածուի: Իսկ տարածքների բաժանման ծայր առած պատերազմը ստիպեց քրեական միջավայրի առաջնորդներին փնտրել հուսալի ու հավատարիմ դաշնակիցների: Այդ կերպ Իգնատկինը ընկավ կազմակերպված հանցավոր խմբավորումների ազդեցության տակ, և նա ստիպված էր հրաժեշտ տալ մարզչական աշխատանքին:
1994թ. Եվգենի Իգնատկինը հանցավոր միջավայրում դառնում է բավականին հարգված մարդ: Նրան ոչ այլ կերպ են անվանում, քա Պալիչ, կամ էլ Ժենյա Դոնեցկի: Նա աշխատում է քրեական հեղինակություն՝ Դուցման մականունով Էդուարդ Մարկուշի հետ համատեղ: Նրանք կարողացել էին իրենց հսկողության ներքո վերցնել Հունգարիայից և Չեխիայից Ուկրաինա և Ռուսաստան սպիրտային խմիչքների առաքումները: Դա շատ եկամտաբեր բիզնես էր: Ժենյա Դոնեցկին կատարում էր ամբողջ անհրաժեշտ աշխատանքը ոչ ցանկալիների հեռացման ուղղությամբ: Դուցմանի խմբավորման գլխավոր քիլլերը շրջում էր Ռուսաստանում, Ուկրաինայում, Բելառուսիայում, Չեխիայում և Հունգարիայում, որտեղ սպանություններ էր կատարում: Հետո որոշ ժամանակ սպասում էր Ուժգորոդում, որտեղ վարձակալում էր միանգամից 6 բնակարաններ տարբեր շրջաններում, այնքան էր նա հոգ տանում սեփական անվտանգության մասին:

Այնուամենայնիվ քրեական բիզնեսը վտանգավոր է նույնիսկ քիլլերների համար: 1995թ. կորել էր Ուժգորոդից Պսկով շարժվող սպիրտի մի քանի ցիստերն, որը պատկանում էր Գեշա մականվամբ անդրկարպատյան հեղինակություն Միխայիլ Տոկարին: Նա արագ հաշվարկել էր և գտել, որ այդքան թանկարժեք արտադրանքի կորելու հարցում ջանքեր է գործադրել Իգնատկինը: Այդ պատճառով Գեշայի ախպերությունը գտավ Ժենյա Դոնեցկուն և ուժգին ծեծի ենթարկեց: Քիլլերին չսպանեցին՝ թույլ տալով նրան հատուցել Գեշայի կրած վնասները: Պարզ չէ Իգնատկինը կարողացա՞վ, արդյոք, Գեշայի փողերը վերադարձնել, թե ոչ, սակայն նա մեկ տարով կորավ տեսադաշտից: Իսկ վերադառնալով՝ անմիջապես իր մասին իմաց տվեց:

Կեսօրին Ադիլովների խմբավորման օֆիսին հեծանիվներով մոտեցան երեք ներկարարներ՝ այդ թվում՝ Իգնատկինը: Օֆիսի մոտ կանգ առնելով՝ նրանք իրենց ձեռքը վերցրեցին դույլերը և ոլորած թերթեր, հանգիստ մտնելով սրահ, ներկարարները պատռեցին թերթերը և ձեռքը վերցրեցին ատրճանակ-գնդացիրները, ապա վերցնելով թանկարժեք զարդերն ու դրամարկղի փողերը, հանգիստ հեռացան:

1997թ. Իգնատկինը՝ շիկահեր աղջկա կերպարանքով ռեստորանի մոտ նույն այդ ատրճանակ-գնդացրից կրակ արձակեց Ադիլովների բրիգադիրներից մեկի վրա, բայց հակառակ ստացած ութ վնասվածքներին նա ողջ մնաց, ընդ որում վերջին պահին հասկացավ, որ սպիտակ կեղծամի տակ թաքնվում է Ժենյա Դոնեցկին:

2000թ. Եվգենի Իգնատկինը ձերբակալվեց Պրահայում, որտեղ նա հանգիստ ապրում էր մեկ տարուց ավելի՝ կեղծ փաստաթղթեր օգտագործելով և դեմքի պլաստիկ վիրահատության շնորհիվ կերպարանափոխված:

Նա արդեն ցանկանում էր մշտական բնակության մեկնել Մեքսիկա, բայց չհասցրեց, խանգարեց հոկեյի հանդեպ նրա սերը՝ պարբերաբար այցելելով հոկեյի տեղական ակումբների խաղերին, նա ոստիկանների կողմից նկատվեց, նրանք համեմատեցին նրա արտաքինը Ինտերպոլի կողմից ուղարկված լուսանկարի հետ և հասկացան, որ քիլլերի վրա են դուրս եկել:

Իրականացված հատուկ գործողության արդյունքում Իգնատկինի բնակարանում ձերբակալվեց քիլլերն ինքը, ինչպես նաև դոնեցկյան քրեական հեղինակություն Կուզնեցը:

Իգնատկինը ուժայիններից լսելով ուկրաիներեն խոսքը, ասաց. «Գիտեմ, որ Ուկրաինայում իմ վրա շատ բան եք փորել, բայց ես ոչնչի մասին չեմ ափսոսում, ես միայն մաքրել եմ գարշելիությունը»:

Աղբյուր` Փաստինֆո