Փաստ ինֆո

Քրեակատարողական հիմնարկը, ասել է թե բանտը՝ ասոցացվում է մռայլ, խոնավ, վատ սնունդով մի կառույցի հետ, որտեղ պահվում են հանցանք կատարած անձինք, սակայն երկրագնդի վրա կան այնպիսի բանտեր որտեղ չեն գործում ավանդական մոտեցումները, ավելին, հանգստավայրեր են հիշեցնում:

Թվարկենք աշխարհում հայտնի մի քանի բանտեր

Բոլիվիայում գտնվող «San Pedro» բանտը, որը տեղակայված է Լա Պազ քաղաքի կենտրոնում, երկրի ամենամեծ բանտն է:

Հաղթահարելով անվտանգության մի քանի միջանք եւ մուտք գործելով հիմնարկի տարածք՝ մարդու առջև բացվում է մի փոքրիկ քաղաքի տեսարան, որտեղ փողոցներում խաղում են երեխաներ, գործում են սրճարաններն ու խանութները, կան վարսավիրանոցներ, անգամ հյուրանոց:

Այստեղ անվտանգության աշխատակիցներ չկան, իսկ պատուհանների վրա ճաղավանդակները բացակայում են:

Այս «հարաբերական ազատությունը» պայմանավորված է նրանով, որ դատապարտյալները պետք է իրենք վճարեն իրենց պահման համար, հետեւաբար պարտադրված են աշխատել։

Նրանք հիմնարկի տարածքում աշխատում են խանութում, վարսավիրանոցում, հավաքարարություն ու շինարարություն անում։ Իսկ եթե դատապարտյալը բավական խնայած գումար ունի, ապա կարող է իրեն թույլ տալ գրեթե ամեն ինչ եւ բավական շքեղ կյանք վարել՝ տեղի կանոնների համաձայն։ Նա անգամ կարող է ունենալ առանձին լողասենյակ, խոհանոց եւ կաբելային հեռուստացույց։Էլիտ-խուցն արժե 1000-1500 դոլար, ինչը բավական մեծ գումար է՝ տեղի բնակիչների համար։

Այստեղ պահվում են հիմնականում ոչ ծանր հանցագործություն գործած անձինք, իսկ ծանր հանցագործություն կատարած անձինք պահվում են ավելի խիստ պայմաններում և սովորական բանտերում:

Հաջորդ ոչ ավանդական բանտը գտնվում է Ֆիլիպիններում:

Աշխարհի ամենահարմարավետ և «դրախտային բանտը» գտնվում է Նորվեգիայում

«Սեբու» բանտում կարող եք ականատեսը լինել, թե ինչպես են դատապարտյալները մասսայաբար պարում հնչող երաժշտության ներքո, երաժշտությունը համախմբում է ինչպես թմրանյութերի, այնպես էլ սպանության համար այնտեղ հայտնված անձանց:

Բանտի ղեկավարությունը գտնում է, որ պարը վերադաստիարակելու եղանակներից մեկն է, շատ կարևոր է նաև, այն, որ դատապարտյալները մասսայական միջոցառումների մասնակցելու դեպքում գումար են ստանում:

Ավստրիայում գտնվող «Justizzentrum Leoben» բանտի արտաքին տեսքը ոչ թե հիշեցնում է խիստ ուղղիչ հիմնարկի, այլ գրասենյակների ժամանակակից կենտրոնի. այն ապակեպատ է:

Հետաքրքիր մի փաստ կա, այս երկրում հանցագործների թիվը գրեթե բոլոր հանցատեսակներով (բռնաբարություն, սպանություն, զինված գողություններ) ավելի քիչ է, քան ԱՄՆ-ում: Բացառություն են կազմում միայն բնակարանային գողությունները։

Տեղաբնակները կատակում են, որ բանտի պայմաններն այնքան հարմարավետ են, որ այնտեղ հայտնվելու համար երազում է յուրաքանչյուր ավստրիացի:

Բանտի պաշտոնական բացումը կայացել է 2005թ. եւ ճարտարապետն անգամ հատուկ մրցանակ է ստացել։ Այսօրինակ բանտը հանրության շրջանում դժգոհության տեղիք է տվել, առավել եւս, որ բանտում կան հատուկ սենյակներ՝ դատապարտյալների ինտիմ տեսակցությունների համար:

Այս բանտում պահվում են 200 դատապարտյալ:

Ռուսաստանի «Кресты» բանտը նախորդի հակապատկերն է։ Այս անվանումն այն ստացել է խաչաձև տեսքի համար: «Ռուսական բանտը» դառնում է վախեցնող բրենդ։ Կառուցելիս այն նախատեսվել է լ 3000 դատապարտյալի համար, սակայն այստեղ պահվում են 10 000 դատապարտյալ: Նրանից յուրաքանչյուրին բաժին է ընկել 4 ք կմ տարածք և 15 րոպե լոգանքի ժամանակ ՝ շաբաթվա մեջ:

Բանտը կառուցվել է Սանկտ- Պետերբուրգում՝ 19-րդ դարի վերջերին, այն 5 հարկից բաղկացած կառույց է և ունի խաչի տեսք: Նախկինում այն «գրավել է» քաղաքական բանտարկյալներին։ Այստեղ են եղել նաեւ Տրոցկինն ու Կամենեվը եւ այլք։
2006թ. ղեկավարությունը բանտը քաղաքի սահմաններից դուրս տեղափոխելու հայտարարությամբ է հանդես եկել, իսկ բանտի տարածքը վաճառքի պետք է հանվեր և նախատեսվում է, որ այն հավանաբար կդառնա հյուրանոցաժամանցային կենտրոն:

Իսկ նոր բանտը, կրկին նախատեսվում էր կառուցել խաչի տեսքով:

«Սարկ կղզում» գտնվող բանտն էլ զբաղեցնում է կղզու մի մասը: Այս ուղղիչ հիմնարկը կառուցվել է դեռևս 1856 թ.։ Այն աշխարհի ամենափոքր բանտ է, որտեղկարող են ընդամենը 2 դատապարտյալ պահվել: Սովորաբար այստեղ պատիժ են կրում ոչ ծանր հանցագործները, իսկ ազատազրկման ժամկետն ընդամենը 1 գիշեր է:

Այս փոքրի բանտում տեղադրված է տեսախցիկ և այդկերպ հսկողություն է սահմանվում: Սա ավելի շատ հիշեցնում է ձերբակալված անձանց պահման վայրի, քանի որ այստեղ պահվելուց հետո հանցանք կատարած անձին տեղափոխում են մեկ այլ վայր:

Իսպանիայում գտնվող «Aranjuez» բանտը համարվում է ընտանեական կենտրոն:

Այն աշխարհում միակ բանտն է, որտեղ նախատեսված են ընտանեկան խցեր եւ այնտեղ կարող են տեղափորվել ընտանիքները՝ երեխաների հետ: Այստեղ սենյակի դիզայնը ևս համապատասխանում է տնական միջավայրին, կան երեխաների համար նախատեսված անկյուն և սենյակներ, իսկ պատերի պաստառները՝ դիսնեյլենդյան հերոսների կերպարներով են:

Այստեղ երեխաներին չեն պահում, սակայն ղեկավարությունն այսպիսով հնարավորություն է ընձեռել դատապարտյալների երեխաներին՝ չզգալ իրենց լքված եւ պատժի կրման ընթացքում որոշ ժամանակ մնալ ծնողների հետ։

Այստեղ կան 36 ընտանեկան խցեր, դատապարտյալների շրջանում ընդունված է այս խցերը կոչել հինգաստղանի:

Իսկ Նորվեգիայի «Bastoey Island» բանտում դատապարտյալները սնունդն իրենք են աճեցնում և օրվա մեծ մասը անցկացնում են մաքուր օդում, անգամ կարող են կարող են թենիս խաղալ: Ամռանը կարող են լողալ և ձիավարել:

Նորվեգիայի «քաղաքային բանտում» էլ դատապարտյալները զբաղվում են մարմնամարզությամբ և յոգայով: Ընդ որում` նրանց հետ զբաղվում են մասնագետներ:

Մեքսիկայի «Cereso Chetumal» բանտն էլ կարծես բռնցքամարտի ռինգ լինի, եթե դատապարտյալները միմյանց հետ վիճաբանում են, ապա այստեղ կազմակերպվում են բռնցքամարտի կանոններով ռինգեր։ Սովորաբար երկու ռաունդից հետո նրանց միջև կոնֆլիկտը հարթվում է:

Չնայած նրան, որ այստեղ պահվում են 1100 դատապարտյալ, սակայն պայմանները բարենպաստ են:

Դատապարտյալներն այստեղ կարող են զբաղվել նկարչությամբ և ձեռագործությամբ, ապա նաև իրենց իսկ ձեռքով ստեղծած աշխատանքները վաճառել:

Աղբյուր` Փաստինֆո