Փաստ ինֆո

Կանայք ու տղամարդիկ, ովքեր կանոնավոր կերպով խուզում կամ էլ ամբողջությամբ ազատվում են ցայլային մազերից, ավելի մեծ ռիսկ ունեն վեներական հիվանդություն վաստակել, քան նրանք, ովքեր, դա չեն անում:

Բժիշկները նշում եմ, որ սափրելու կամ մեղրամոմով էպիլյացիայի արդյունքում մաշկի վրա մնում են միկրոկտրվածքներ, որոնց միջով հեշտորեն կարող է վարակը թափանցել: Բացի այդ, մասնագետների դիտարկմամբ, ավելի հաճախ նրանք, ովքեր կանոնավոր կերպով հեռացնում են մազային ծածկույթը ինտիմ գոտում, ավելի ակտիվ են սեքսուալ կյանքում:

Վեներական հիվանդությունները փոխանցվում են չպաշտպանված սեռական կոնտակտի կամ սեռական օրգանների շփման միջոցով:

Հետազոտությունն անց է կացվել Սան-Ֆրանցիսկոյի Կալիֆորնիայի համալսարանում 7 500 մեծահասակ մարդկանց մասնակցությամբ, դրա տվյալները հրապարակվել են «Սեռական ճանապարհով փոխանցվող վարակները» մասնագիտացված ամսագրում (Sexually Transmitted Infections):

Հաշվետվության մեջ ասվում է, որ բիկինիի շրջանում մազերի սափրման և վեներական հիվանդությունների միջև փոխադարձ կապի մասին երկու ամենահավանական բացատրությունը մաշկի վրա միկրոճաքերը, որոնք բարձրացնում են վիրուսային սեռական վարակների առաջացման ռիսկը, ինչպես նաև այն փաստը, որ իրենց մարմնի ինտիմ մասին մեծ ուշադրություն հատկացնող մարդիկ միտում ունեն ավելի հաճախ և ավելի մեծ թվով զուգընկերների հետ սեռական կապի մեջ մտնել:

արզվել է, որ տղամարդիկ այդ գոտին սափրելու համար ավելի հաճախ էլեկտրական ածելիից են օգտվում այն դեպքում, որ կանայք գերադասում են սափրվելու սովորական գործիքը:

Ամեն հինգերորդ մեծահասակը (ցանկացած սեռի) մկրատ է օգտագործում:

Մազահեռացման ցանկացած միջոցը բարձրացնում է վեներական հիվանդության առաջացման ռիսկը, զգուշացնում են գիտնականները:

Բժիշկների տվյալներով, խոսք չի գնում այն մասին, որ հետազոտությանը մասնակցողները օգտվում էին ուրիշի գործիքներով կամ իրենցն էին տրամադրում, քանի որ նրանց մոտ վարակի հետքեր չեն հայտնաբերվել:

Հաշվետվության հեղինակները խորհուրդ են տալիս բժիշկներին կանոնավոր կերպով ցայլային մազերը սափրողներին խորհուրդ տալ դա չանել մշտապես, կամ էլ սեքսով չզբաղվել մինչև բոլոր ճաքերի լավացումը:

Հետազոտության մասնակիցների երեք քառորդը (84% կանայք և 66% տղամարդիկ) հայտնել են, որ նման հիգիենիկ ռեժիմն իրենց համար նորմա է, և իրենք նախկինում էլ սափրել են, խուզել են կամ էլ հեռացրել են ինտիմ գոտու մազերը մեղրամոմի օգնությամբ:

Նրանցից 17%-ն այդ հարցում իրենց «էքստրեմալներ» են անվանում. նրանք հեռացնում են բոլոր մազերը առնվազն ամիսը մեկ անգամ, 22%-ը դա անում է «շատ հաճախ», այսինք՝ ամեն օր կամ ամեն շաբաթ:

Հետազոտության ժամանակ պարզվել է, որ մազահեռացման ցանկացած միջոց բարձրացնում է վեներական հիվանդության առաջացման ռիսկը, և որքան ավելի հաճախ և ավելի ռադիկալ կերպով է կատարվում մազահեռացումն, այնքան ավելի բարձր է ռիսկը:

Այսպիսով, «էքստրեմալների» մոտ ռիսկը բարձրանում է 3-4 անգամ, հատկապես այն վարակներից, որոնք փոխանցվում են մաշկային ծածկույթների անմիջական շփման հետևանքով, այնպիսիք, ինչպիսիք հերպեսն է և մարդու պապիլլոմայի վիրուսը:

Սակայն սեռական պճնամոլների համար նաև լավ նորություններ կան՝ ինտիմ գոտում մազահեռացումը պաշտպանում է ցայլային ոջիլների տարածումից, և նրանք, ովքեր բարձր ռիսկ ունեն դրանք ստանալ, բժիշկները կարող են խորհուրդ տալ ազատվել մազային ծածկույթից:

Աղբյուր` Փաստինֆո