Փաստ ինֆո

Իր ժամանակին Սամարայում հայտնի օրենքով գող Յուրի Կիտաևը (մականունը՝ չինացի), ինչպես պնդում են քրեական աշխարհի հետ կապված անձինք, գողական կարգավիճակ ստացել է փողով: Դրա համար հարկ է եղել ներգրավել Ինժեներ բանկի ավանդատուների փողերը, որը վերահսկվում էր Կիտաևի կողմից «Ай Би Тэ» ֆիրմայի միջոցով, որի ղեկավարները բանկի հիմնադիրների կազմում էին: Մինչև իր թագադրումը Կիտաևը իր ենթակայության ներքո ռեկետիրների բրիգադ ուներ, որը գործում էր  Սամարայի տարածքում:

 Յուրի Կիտաևի բրիգադում էր նաև ևս մեկ առաջնորդ՝ Յուրի Բուբնովը՝ Ջին մականունով: Իր երեսուն ու մի քիչ անց տարիքում նա հասցրել էր գաղութներում  անցկացնել տասը տարի: Դրա համար նա ավելի գունեղ ֆիգուր էր քրեական Սամարայում:

Ջինը սկսել է զուտ գողական հանցագործություններից՝ կատարում էր կողոպուտներ:  1980թ.  նրան կալանավորեցին և գրպանում թմրանյութեր գտան: Մի-երկու տարով նրան էտապավորեցին: Գաղութում անմիջապես իրեն դրսևորեց որպես վարչակազմի կարգերը ժխտող կալանավոր, այդ պատճառով գողականները տղային ընդունեցին իրենց շարքերը: 

Ազատվելուց հետո, 1985թ. Ջինը նորից բռնվեց կողոպուտի ժամանակ և ազատություն  դուրս եկավ շուկայական տնտեսության եռուզեռի ժամանակ, երբ ռեկետը նոր-նոր սկսում էր ծնունդ առնել կրիմինալ Ռուսաստանում: Իսկ Բուբնովն այդ ժամանակ արդեն վաստակել էր ոչ վատ կրիմինալ հեղինակություն:

 Նստած ժամանակ ձեռք բերած իր կապերի շնորհիվ Ջինը ծանոթություններ է հաստատում Մոսկվայի ու Սոչիի գողերի հետ: Այդ ժամանակահատվածում է տեղի ունենում նաև նրա ծանոթությունը նաև հետագայում անվանի  Դեդ Հասանի հետ: Գողերը Բուբնովին այսպես կոչված քարտ-բլանշ են տալիս, Սամարյան հողին ընտելանալու համար: Այդ պատճառով Ջինը սկսում է հավաքել ռեկետիրների ապագա խմբավորման կմախքը, որի մեջ մտել է նաև Յուրի Կիտաևը, ով իր մոտ էր տեղափոխվել Ռաևսկու կազմակերպված հանցավոր խմբից:

Աղբյուր` Փաստինֆո