Փաստ ինֆո

ՖԻԴԵ-ն  հրապարակել է վարկանիշային աղյուսակները` դեկտեմբերի 1-ի դրությամբ: Այս մասին տեղեկանում ենք Շախմատի ֆեդերացիայի պաշտոնական կայքից:

Աշխարհի  ուժեղագույն շախմատիստների ցանկը գլխավորում է աշխարհի չեմպիոն Մագնուս Կարլսենը (2840): Երկրորդ հորիզոնականում է Ֆաբիանո Կարուանան (2823), իսկ լավագույն եռյակը եզրափակում է Վլադիմիր Կրամնիկը (2809): Լևոն Արոնյանը (2785) ընթանում է 7-րդ հորիզոնականում:

Աշխարհի 100 ուժեղագույն շախմատիստնեի ցանկում են գտնվում նաև Հայաստանի 3 այլ ներկայացուցիչ. մասնավորապես Վլադիմիր Հակոբյանը  (2675) գտնվում է 67-րդ հորիզոնականում, Սերգեյ Մովսիսյանը (2673)` 71-րդ  և Գաբրիել Սարգսյանը (2667) ` 84-րդ:

Լավագույն տասնյակ.

1.Մագնուս Կարլսեն – 2840
2. Ֆաբիանո Կարուանա – 2823
3.  Վլադիմիր Կրամնիկ – 2809
4. Մաքսիմ Վաշիե-Լագրավ – 2804
5.  Ուեսլի Սո – 2794
6. Սերգեյ Կարյակին – 2785
7. Լևոն Արոնյան – 2785
8. Վիշվանաթան Անանդ – 2779
9. Հիկարու Նակամուրա – 2779
10. Գիրի Անիշ – 2771

Կանանց ցանկի առաջին հորիզոնականում է աշխարհի չեմպիոնուհի Հոու Յիֆանը (2651): Երկրորդ հորիզոնականում է Ցզյու Վենցզյունը (2579): Լավագույն եռյակը եզրափակում է Աննա Մուզիչուկը (2558): Մեր շախմատիստուհիներից Էլինա Դանիելյանը (2444) գտնվում է 32-րդ հորիզոնականում, իսկ Լիլիթ Մկրտչյանը (2431)` 41-րդ:

Լավագույն տասնյակ.

1.Հոու Յիֆան – 2651
2. Ցզյու Վենցզյուն – 2579
3. Աննա Մուզիչուկ – 2558
4. Համփի Կոներու – 2557
5. Ալեքսանդրա Կոստենյուկ – 2555
6. Մարիա Մուզիչուկ – 2546
7. Հարիկա Դրոնավալի – 2543
8. Վիկտորիա Չմիլիտե – 2538
9. Կատերինա Լահնո – 2530
10. Վալենտինա Գունինա – 2525

Մինչև 20 տարեկան պատանիների վարկանիշային աղյուսակը գլխավորում է Ռիչարդ Ռապորտը (2717), երկրորդ հորիզոնականում է  Վեյ Յին (2707), իսկ Դուդա Յան-Քշիշտոֆը (2684) գտնվում է 3-րդ հորիզոնականում: Հայաստանի ներկայացուցիչներից Մանուէլ Պետրոսյանը (2550) գտնվում է  29-րդ հորիզոնականում ,Հայկ Մարտիրոսյանը (2516) ` 42-րդ, Տիգրան Հարությունյանը (2511)` 47-րդ:

Լավագույն տասնյակ

1.Ռիչարդ Ռապորտ – 2717
2. Վեյ Յի – 2707
3. Դուդա Յան-Քշիշտոֆը -2684
4. Սյուն Ջեֆրի – 2666
5. Դանիիլ Դուբով – 2660
6.  Վլադիսլավ Արտեմև – 2653
7. Մաթիաս Բլուբաում – 2640
8. Գրիգորի Օպարին – 2616
9. Իլյա Նիժնիկ – 2616
10. Յորդեն Վան Ֆորեստ – 2605

Հրապարակվել են նաև արագ և կայծակնային շախմատի գործակիցները:

Արագ շախմատի վարկանիշային աղյուսակը նույնպես գլխավորում է աշխարհի չեմպիոն Մագնուս Կարլսենը (2906): Երկրորդ հորիզոնականում է Հիկարու Նակամուրան (2839), իսկ Յան Նեպոմնյաշչին (2812) եզրափակում է լավագույն եռյակը: Լևոն Արոնյանը (2770) գտնվում է 11-րդ հորիզոնականում:

Արագ շախմատի դասակարգման 100 լավագույն շախմատիստների ցանկում են նաև Հայաստանի 5 այլ ներկայացուցիչ. Հրանտ Մելքումյանը (2736) գտնվում է  25-րդ հորիզոնականում, Սերգեյ Մովսիսյանը (2717) ` 34-րդ,  Տիգրան Լ. Պետրոսյան (2715)` 36-րդ, ,Վլադիմիր Հակոբյան (2698)` 53-րդ  և Գաբրիել Սարգսյանը (2673)` 69-րդ:

Կայծակնային շախմատի վարկանիշային աղյուսակը գլխավորում է չինացի գրոսմայստեր Դին Լիժենը (2875): Աշխարհի չեմպիոն Մագնուս Կարլսենը (2873) գտնվում է 2-րդ հորիզոնականում, իսկ Վլադիսլավ Արտեմևը (2847) եզրափակում է լավագույն եռյակը: Լևոն Արոնյանը (2830) գտնվում է 5-րդ հորիզոնականում:

Կայծակնային շախմատի դասակարգման 100 լավագույն շախմատիստների ցանկում են նաև Հայաստանի 5 այլ ներկայացուցիչ. Զավեն Անդրիասյանը (2720) գտնվում է 36-րդ հորիզոնականում, Տիգրան Լ. Պետրոսյան (2717)` 38-րդ,  Հրանտ Մելքումյանը (2712)  43-րդ,

Սերգեյ Մովսիսյանը (2658) ` 85-րդ և Վլադիմիր Հակոբյան (2654)` 90-րդ:

Աղբյուր` Փաստինֆո