Փաստ ինֆո

«Նաֆտոգազ Ուկրաինի»-ն հրաժարվել է իր ենթակառուցվածքի օբյեկտների վերակառուցման թանկարժեք նախագծի իրականացումից: Նման ներդրումներն ընկերությունում համարվել են ոչ նպատահարմար այն բանից հետո, որ Մոսկվան և Անկարան համաձայնության են եկել «Թուրքական հոսանք» գազատարի շինարարության շուրջ:

Ըստ «ՌԻԱ-Նովոստի»-ի, «Նաֆտոգազ Ուկրաինի»-ն բացառապես Թուրքիային գազ մատակարարելու համար գործի դրված մի շարք կոմպրեսորական կայանների վերակառուցման անհրաժեշտություն չի տեսնում, քանի որ «Թուրքական հոսանք»-ի իրագործման այդ ուղղությունը համարվում է անհեռանկարային: Այս մասին ուրբաթ հաղորդել են ընկերության մամուլի ծառայությունից:

Ճշտվում է, որ սարքավորումը, որ ավելի վաղ ծրագրվում էր գնել ավելի քան 156 մլն դոլարով, նախատեսված էր այն կայանների վերակառուցման համար, որոնք գործի են դրվել միայն Թուրքիայի ուղղությամբ գազի մատակարարման համար: Մյուս օբյեկտներում դա օգտագործել անհնարին է տեխնիկական պատճառներով:
«Հաշվի առնելով Ռուսաստանի և Թուրքիայի միջև պայմանավորվածությունը «Թուրքական հոսանք» նախագծի իրագործման շուրջ, որը կոչված է ռուսաստանյան գազի տարանցումը Թուրքիա փոխել Ուկրաինայի տարածքով գազի մատակարարման, նման ներդրումը ոչ նպատակահարմար է»,- ասել են «Նաֆտոգազ»-ում: Ընդ որում, ընկերությունը խորհուրդ է տվել գնել ունիվերսալ սարքավորումներ:

Ռուսաստանն ու Թուրքիան հոկտեմբերի 10-ին ստորագրել են «Թուրքական հոսանք» նախագծի մասին համաձայնագիրը: Փաստաթուղթը ենթադրում է Սև ծովի հատակով մագիստրալ գազատարի շինարարություն երկու ճյուղերով՝ 15,75 մլրդ խորանարդ մետր գազ հզորությամբ՝ յուրաքանչյուրը:

Մեկ ճյուղը նախատեսված է անմիջականորեն թուրքական շուկա գազի մատակարարում, իսկ մյուսը՝ Թուրքայի տարածքով տարանցիկ՝ եվրոպական երկրներ գազի մատակարարման համար: Շինարարության ավարտի ժամկետը 2019թ. դեկտեմբերն է:

Աղբյուր` Փաստինֆո