Փաստ ինֆո

Գերմանական հետախուզության (BfV) աշխատակիցը կալանավորվել է ի պաշտպանություն իսլամիստների հայտարարություններից և հատուկ ծառայությունների նյութերը տարածելուց հետո: Այս մասին, ըստ BBC-ի ռուսական ծառայության, հաղորդել են գերմանական ԶԼՄ-ները:

«Տղամարդը մեղադրվում է հորինված անվան օգնությամբ համացանցում իսլամիստական հայտարարությունների հրապարակման մեջ, ինչպես նաև ինտերնետ-չաթերում գործակալության ներքին նյութերի բացահայտման համար»,- մեջբերում է Ռոյթերը գերատեսչության ներկայացուցչին:

Ինչպես հայտնել են Հետախուզությունում, ձերբակալված գերմանացին նախկինում իրեն աննկատելի էր պահում:

Գերմանական հետախուզության ներկայացուցիչը Ռոյթերին չի հաստատել Die Welt թերթի հաղորդագրությունն առ այն, որ տղամարդը կասկածվում էր Գերմանական հետախուզության Քյոլնի օֆիսում պայթյունի պլանավորման մեջ:

Պարբերականը հաղորդել է, որ տղամարդը բռնվել է գործակալության ինֆորմատորի շնորհիվ այն բանից հետո, երբ նրանք ինտերնետում քննարկել են հնարավոր հարձակումը:

Հետախուզությունը չի բացահայտել, թե հետախուզության որ բաժնում էր աշխատում կալանավորվածը, սակայն Der Spiegel ամսագիրը պնդում է, որ տղամարդուն վերջերս վարձել են, որպեսզի նա հետևի Գերմանիայում իսլամիստների հետ կապված իրավիճակին:

Ինչպես գրում է Der Spiegel-ը, կալանավորվածի ընտանիքը չգիտեր, որ նա 2014թ. իսլամ է ընդունել:

BfV (Սահմանադրության պահպանության դաշնային գերատեսչություն) – Գերմանիայի ներքին հետախուզական վարչություն է:

Գերատեսչության գնահատականների համաձայն, Գերմանիայում բնակվում են մոտ 40 հազար իսլամիստներ, որոնցից 9200-ը ուլտրապահպանողական իսլամիստներ են, որոնք հայտնի են որպես սալաֆիսթներ, ավելի վաղ, նոյեմբերին, հայտնել է Ռոյթերին BfV-ի ղեկավարը:

«Ոչ մի ապացույց չկա, որ այսօրվա դրությամբ գոյություն ունի կոնկրետ վտանգ», - հավելել է նա:

Աղբյուր` Փաստինֆո