Փաստ ինֆո

Քննության տեղեկատվության համաձայն, Կոլյան ազգանվամբ Հայաստանի քաղաքացին ՌԴ մայաքաղաքում քրեական պարզաբանումների զոհ է դարձել: Ինչպես հայտնել է իրավապահ մարմիններում Լայֆի աղբյուրը, տղամարդը փորձում էր մտնել խմբավորումներից մեկի մեջ և վերջին ամիսներին կատարում էր բանդկազմավորումների առաջնորդների տարբեր առաջադրանքները:

Հայաստանի քաղաքացին ձեռնարկատեր էր, Մոսկվայի հանցավոր խմբավորումներից մեկում մուտք ուներ: Նա քրեական միավորման անմիջական մասնակից չէր, սակայն ակտիվորեն փորձում էր հասնել քրեական աշխարհի առաջնորդների բարեհաճ տրամադրվածությանը՝ կատարելով նրանց տարբեր հանձնարարությունները, պատմել է զրուցակիցը:

Տեղի ունեցածի ակամա ականատես է դարձել տաքսու վարորդը, ով իր մեքենայից ոչ շատ հեռու հայտնաբերել է դիակը:

Սկզբից տաքսիստը մտածել է, որ տեղի է ունեցել ՃՏՊ, սակայն ժամանած բժիշկները նրա մարմնի վրա հայտնաբերել են մեծ թվով հրազենային վնասվածքներ:

Ըստ ամենայնի զոհը, որը 30 տարեկանի տեսք ունի, կայանել է մեքենան, դուրս եկել մեքենայից, և այդ պահին նրան գնդակահարել են:

Տաքսու վարորդն, ըստ МК-ի, ուշադրություն է դարձրել մուգ կանաչ գույնի մեքենայի վրա, որը թեք էր կայանված: Մեքենայի մեջի մարդկանց վրա տաքսիստը ուշադրություն չի դարձրել, շարժիչը խլացված էր, իսկ լապտերները չէին աշխատում: Սակայն օպերատիվ աշխատողների տվյալներով, հենց այդ արտասահմանյան մեքենայում էր թաքնվել քիլլերը:

Փախուստի դիմելով՝ քիլլերն իր մեքենայով դիպել է տաքսիստի մեքենային՝ մեքենայի լապտերը ջարդված է, մեքենայի վրա կան այլ վնասվածքներ: Մարդասպանի մեքենան նույնպես վնասվել է՝ օպերատիվ աշխատողները փնտրում են ջարդված հետևի լապտերով և Լեն Ռովեր-ի թռած նշանով մեքենան:

Կալաշնիկովի ինքնաձիգը ոստիկանները գտել են դեպքի վայրից 100 մետր հեռավորության վրա:

Զենքն առանց խլացուցչի է եղել, անհասկանալի է, թե ինչու տան բնակիչներից ոչ ոք գիշերային լռության մեջ չի լսել ինքնաձիգի կրակահերթը:

Աղբյուր` Փաստինֆո