Փաստ ինֆո

Հաճելի ու ոչ կոնֆլիկտային կանայք ավելի քիչ աշխատավարձ են ստանում, քան նրանց ավելի պնդերես ու ուղղաբարո գործընկերները:

Դա պարզել են իսրայելական ու նիդերլանդական գիտնականները՝ հետազոտություն հրապարակելով The European Journal of Work and Organizational Psychology ամսագրում:

Նրանք հարցում են անցկացրել, որին մասնակցել են նիդերլանդական ֆիրմաներից մեկի համարյա մեկուկես հազար աշխատակիցներ:

Արդյունքում պարզվել է, որ ամենահաճելի աշխատակցուհիներից շատերը համարում են, որ իրենց անգամ գերավճարում են: Հետազոտողները գնահատել են ինչպես օբյեկտիվ պարամետրերը (ստաժ, կրթություն, արտադրողականության տվյալները՝ կապված եկամտի մակարդակի և ծառայության մեջ առաջխաղացման հետ), այնպես էլ սուբկյեկտիվները (այն, թե կանայք ինքները ինչպես են գնահատել աշխատավարձի համապատասխանությունը նրանց փորձին ու կրթությանը):
Ինչպես նշել են գիտնականները, «հաճելիությունը» և «պնդերեսությունը» հաշվվել են հատուկ հարցումաթերթիկի օգնությամբ, որոնցում կանայք պետք է ցույց տային իրենց վարքի համապատասխանության աստիճանը նման պնդումների հետ, թե՝ «գտնվելով մարդկանց խմբի մեջ, ես հաճախ խոսում եմ նրանց անունից» և «որոշ մարդիկ երբեք ինձ զայրացած չեն տեսել»:

Դոկտոր Մայքլ Բայրոնը Հայֆայի համալսարանից նշել է, որ կանայք «ստացածից ավելի շատ են ներդրել իրենց աշխատանքի մեջ»:

Գիտնականների դիտարկմամբ, նման միտումը դիտվում է նաև տղամարդկանց մոտ՝ ավելի հաստատակամներին և վճռականներին վճարում են ավելին: Բայց միաժամանակ նույնիսկ «ճարպիկ» կանանց ավելի քիչ են վճարում, քան տղամարդկանց՝ անկախ վերջիններիս բնավորության գծերից՝ կախված երկրից, աշխատավարձի տարբերությունը կարող է կազմել մինչև 50%:

Նիդերլանդներում վճարման տարբերությունը հավասար է 17%-ի, իսկ ԱՄՆ-ում՝ 35%-ի:

Աղբյուր` Փաստինֆո